Ֆրից Շմիդտ
| Ֆրից Շմիդտ | |
|---|---|
| Ծնվել է | մարտի 19, 1943 |
| Ծննդավայր | Մայնց, Նացիստական Գերմանիա |
| Մահացել է | օգոստոսի 12, 2024[1] (81 տարեկան) |
| Մահվան վայր | Ռյուսելսհայմ, Գրոս Գերաու, Դարմշտադտի վարչական շրջան, Հեսսեն, Գերմանիա[2] |
| Քաղաքացիություն |  Գերմանիայի Ֆեդերատիվ Հանրապետություն |
| Մասնագիտություն | field hockey player |
| Պարգևներ և մրցանակներ |  |
Ֆրից Շմիդտ (գերմ.՝ Fritz Schmidt, մարտի 19, 1943, Մայնց, Նացիստական Գերմանիա - օգոստոսի 12, 2024[1], Ռյուսելսհայմ, Գրոս Գերաու, Դարմշտադտի վարչական շրջան, Հեսսեն, Գերմանիա[2]), գերմանացի մականորդ, կիսապաշտպան, 1972 թվականի Օլիմպիական չեմպիոն, 1970 թվականի Եվրոպայի չեմպիոն։
Կենսագրություն
[խմբագրել | խմբագրել կոդը]Ֆրից Շմիդտը ծնվել է 1943 թվականի մարտի 19-ին Գերմանիայի Մայնց քաղաքում։
Նա խաղացել է մականախաղ Ռյուսելսհայմ քաղաքի համանուն ակումբում[3]։ Հինգ անգամ հաղթել է մականախաղի Գերմանիայի առաջնությունը (1968, 1971, 1975, 1977-1978), և երեք անգամ (1973, 1976, 1979) ինդորհոկեյի առաջնությունը։ 1966 թվականից եղել է խաղացող-մարզիչ։
1968 թվականին նա միացել է Գերմանիայի մականախաղի թիմին՝ մասնակցելու Մեխիկոյի Օլիմպիական խաղերին։ Նրա թիմը զբաղեցրել է 4-րդ տեղը։ Խաղացել է կիսապաշտպանի դիրքում, անցկացրել է 9 հանդիպում, ոչ մի գոլ չի խփել։
1972 թվականի մայիսի 25-ին արժանացել է Գերմանիայի բարձրագույն սպորտային մրցանակի՝ «Արծաթե դափնետերև»[4]։
1972 թվականին Մյունխենի Օլիմպիական խաղերում միացել է մականախաղի Գերմանիայի հավաքականին և նվաճել ոսկե մեդալ։ Խաղացել է կիսապաշտպանի դիրքում, անցկացրել է 1 հանդիպում, գոլ չի խփել։
1976 թվականին Մոնրեալի Օլիմպիական խաղերում նա Գերմանիայի մականախաղի հավաքականի կազմում զբաղեցրել է 5-րդ տեղը։ Խաղացել է կիսապաշտպանի դիրքում, անցկացրել է 3 հանդիպում, ոչ մի գոլ չի խփել։
1970 թվականի Եվրոպայի առաջնությունում մականորդը նվաճել է ոսկի մեդալ, 1974 թվականին՝ արծաթ։ 1973 թվականի աշխարհի առաջնությունում նա բրոնզ է նվաճել։
Ինդորհոկեյում 1974 և 1976 թվականներին նա դարձել է Եվրոպայի չեմպիոն։
1963-1976 թվականներին նա անցկացրել է 146 հանդիպում Գերմանիայի հավաքականի կազմում, այդ թվում՝ 119-ը՝ բաց դաշտերում, 27-ը՝ փակ դաշտերում[5]։
1979 թվականին արժանացել է գերմանական հոկեյի ասոցիացիայի հուշատախտակի։
Իր խաղային կարիերան ավարտելուց հետո նա 1983-1985 թվականներին շարունակել է աշխատել որպես մարզիչ։
Ռյուսելսհայմում ունեցել է հացաբուլկեղենի սեփական բիզնես, որը ղեկավարել է տասնամյակներ շարունակ, ստեղծել է մի քանի մասնաճյուղեր։ 2003 թվականին նա թողել է բիզնեսը։
Ֆրից Շմիդտը մահացել է 2024 թվականի օգոստոսի 12-ին 81 տարեկան հասակում[6]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 https://www.main-spitze.de/sport/hockey/hockey-ruesselsheim/ruesselsheimer-rk-trauert-um-olympiasieger-fritz-schmidt-3885951
- ↑ 2,0 2,1 2,2 https://www.faz.net/aktuell/sport/rhein-main-sport/hockey-legende-olympiasieger-fritz-schmidt-gestorben-19924057.html
- ↑ «Fritz Schmidt Bio, Stats, and Results | Olympics at Sports-Reference.com». web.archive.org. 2020-04-18. Արխիվացված օրիգինալից 2020-04-18. Վերցված է 2020-06-02-ին.
{{cite web}}: CS1 սպաս․ bot: original URL status unknown (link) - ↑ Sportbericht der Bundesregierung vom 29. September 1973 an den Bundestag - Drucksache 7/1040 - Seite 60.
- ↑ «HockeyPlatz». www.hockey.de. Արխիվացված է օրիգինալից 2021-02-06-ին. Վերցված է 2020-06-02-ին.
- ↑ «Rüsselsheimer RK trauert um Olympiasieger Fritz Schmidt». Main-Spitze (գերմաներեն). 2024-08-17. Վերցված է 2024-08-17-ին.