Ֆելիքս Խոջոյան

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Ֆելիքս Խոջոյան
Անձնական տվյալներ
Ազգությունը Հայ
Քաղաքացիությունը Հայաստան
Ծննդյան ամսաթիվ հոկտեմբերի 22, 1974(1974-10-22) (45 տարեկան)
Ծննդավայր Լենինական, Հայկական ԽՍՀ, ԽՍՀՄ
Հասակ 175 սմ
Դիրք Պաշտպան
Մասնագիտական կարիերա*
Տարի Ակումբ Խաղ (Գոլ)
1994-2000 Հայաստան Շիրակ 129 (4)
2001 Հայաստան Արաքս (Արարատ) 16 (0)
2002-2003 Հայաստան Բանանց 18 (2)
2003-2005 Իրան Պեգաղ Գիլան ? (?)
2005-2006 Իրան Էստեգլալ ? (?)
2007-2009 Հայաստան Շիրակ 74 (0)
Ազգային հավաքական
1997-2001 Հայաստան Հայաստան 17 (1)
Մարզչական կարիերա
2010-մ.հ. Հայաստան Շիրակ Մարզիչ
* Մասնագիտական կարիերայում ընդգրկված են միայն առաջնության խաղերը և գոլերը:

Ֆելիքս Ալբերտի Խոջոյան (հոկտեմբերի 22, 1974(1974-10-22), Լենինական, Հայկական ԽՍՀ, ԽՍՀՄ), հայ ֆուտբոլիստ և ֆուտբոլային մարզիչ:

Ակումբային կարիերան[խմբագրել | խմբագրել կոդը]

Խոջոյանը Գյումրիի ֆուտբոլային դպրոցի սան է, ինչպես և «Շիրակ» ակումբի շատ խաղացողներ: Ակումբի կազմում բարձրագույն լիգայում իր նորամուտը նշել է 1994 թվականին՝ մասնակցելով «ԿանԱԶ»-ի դեմ խաղում[1]: Այն մրցաշրջանում նա անցկացրել է 13 խաղ և արժանացել առաջնության ոսկե մեդալի: Այդ ժամանակից ի վեր հանդես է եկել թիմի հիմնական մասում, որի հետ մեդալների է արժանացել Հայաստանի առաջնությունում, ինչպես նաև հաղթել է Հայաստանի գավաթի և սուպերգավաթի խաղարկություններում:

2000 թվականի մրցաշրջանի ավարտին լքել է «Շիրակը» և տեղափոխվել Արարատի «Արաքս» ակումբ: Առաջնության ավարտից հետո տեղափոխվել է «Բանանց» ֆուտբոլային ակումբ: 2003 թվականի մրցաշրջանում Խոջոյանը հասցրել է անցկացնել երկու խաղ: Առաջնության ընթացքում տեղափոխվել է իրանական «Պեգաղ Գիլան», որը հանդես էր գալիս առաջին լիգայում: Ակումբի հետ կնքել է կես տարվա պայմանագիր: «Պեգաղ Գիլանի» հետ անցել է բարձրագույն լիգա, ինչից հետո ղեկավարությունը պայմանագրի ժամկետը երկարացրել է մինչև երկու տարի: 2004/05 մրցաշրջանի ավարտին «Պեգաղ Գիլանը» կորցրել է իր տեղը առաջնությունում, և Խոջոյանը տեղափոխվել առաջին լիգայի «Էստեգլալ»՝ պայմանագիր կնքելով մինչև 2008 թվականը: Սակայն ֆինանսական դժվարությունները նրան ստիպել են վերադառնալ Հայաստան[2]:

Երկար ընդմիջումից հետո նա վերադարձել է «Շիրակ», որտեղ էլ նախատեսել էր ավարտել խաղացողի կարիերան: 2009 թվականի դեկտեմբերի վերջին հայտնի դարձավ, որ «Շիրակից» հեռացել են չորս ֆուտբոլիստներ՝ Արարատ Հարությունյանը, Հովհաննես Դեմիրճյանը, Հենրիխ Բատիկյանը և Ֆելիքս Խոջոյանը: Նրանցից առաջինը տեղափոխվել է այլ ակումբ, իսկ վերջիններն ավարտել են իրենց կարիերան[3]:

Մարզչական կարիերա[խմբագրել | խմբագրել կոդը]

2009 թվականի մրցաշրջանի ավարտին տեղափոխվել է «Շիրակի» մարզչական շտաբ: Խոջոյանը նշանակվել է գլխավոր մարզչի օգնական (այն ժամանակ գլխավոր մարզիչը Վարդան Բիչախչյանն էր)[4]: Մեկ տարի անց ակումբ է եկել Սամվել Պետրոսյանը: Վերջինս պաշտոնապես նշանակվել է ակումբի ադմինիստրատոր, սակայն փաստացի եղել է ակումբի գլխավոր մարզիչը: Նրա օգնականներն են դարձել Խոջոյանը, Բիչախչյանն ու Արթուր Հովհաննիսյանը[5]: Խոջոյանը, հաշվի առնելով գլխավոր մարզչի պաշտոնի բացակայությունը, նշանակվել է գլխավոր մարզչի պաշտոնակատար[6][7]: 2011 թվականի մրցաշրջանի սկզբին մասնակցել է պարապմունքների՝ նպատակ ունենալով ստանալ A կատեգորիայի լիցենզիա[8]: 2011 թվականի Հայաստանի գավաթի խաղարկությունում «Շիրակը» 12 տարվա ընդմիջումից հետո հասել է եզրափակիչ, որտեղ պարտվել է «Միկային» 1:4 հաշվով: Ամռանը Պետրոսյանն ազատվել է պաշտոնից վատ արդյունքների պատճառով, և ակումբը կրկին գլխավորել է Բիչախչյանը: Քանի որ Բիչախչյանն ուներ A կարգի լիցենզիյա, Խոջոյանը դառնում է մարզիչ[9]:

2012 թվականի մարտին մարզիչներից ու հարհանգիչներից կազմված հայկական պատվիրակության կազմում այցելել է Ամստերդամ՝ մասնակցելու ՈւԵՖԱ Study Group Scheme նախագծին, որը նվիրված էր պատանեկան ֆուտբոլին[10]:

Ձեռքբերումներ[խմբագրել | խմբագրել կոդը]

Խաղացող[խմբագրել | խմբագրել կոդը]

  • Հայաստան «Շիրակ»
    • Հայաստանի չեմպիոն - 1994, 1999
    • Հայաստանի առաջնության արծաթե մոդալակիր - 1995/96, 1997, 1998
    • Հայաստանի առաջնության բրոնզե մեդալակիր - 2000
    • Հայաստանի գավաթի խաղարկության եզրափակչի մասնակից - 1994, 1999
    • Հայաստանի սուպերգավաթակիր - 1996, 1999
    • Հայաստանի Սուպերգավաթի խաղարկության եզրափակչի մասնակից - 1998
  • Հայաստան «Սպարտակ» (Երևան)
    • Հայաստանի առաջնության բրոնզե մեդալակիր - 2001

Մարզիչ[խմբագրել | խմբագրել կոդը]

  • Հայաստան «Շիրակ»
    • Հայաստանի գավաթակիր - 2011/12
    • Հայաստանի գավաթի խաղարկության եզրափակչի մասնակից - 2011

Ծանոթագրություններ[խմբագրել | խմբագրել կոդը]

  1. «Ходжоян провел 200-й матч в чемпионате Армении» (ռուսերեն)։ Armfootball.com։ Արխիվացված է օրիգինալից 2012-09-18-ին։ Վերցված է 14.04.2012 
  2. «Феликс Ходжоян: «Рад снова оказаться в «Шираке»»» (ռուսերեն)։ Armfootball.com։ Արխիվացված է օրիգինալից 2012-09-18-ին։ Վերցված է 14.04.2012 
  3. : «Итоги межсезонья «ШИРАК»» (ռուսերեն)։ Armfootball.com։ Արխիվացված է օրիգինալից 2012-09-18-ին։ Վերցված է 14.04.2012 
  4. «Опытные футболисты покидают «Ширак»» (ռուսերեն)։ Armfootball.com։ Արխիվացված է օրիգինալից 2012-09-18-ին։ Վերցված է 14.04.2012 
  5. «В 2011 г. «Ширак» поборется за место в квартете сильнейших» (ռուսերեն)։ Armfootball.com։ Արխիվացված է օրիգինալից 2012-09-18-ին։ Վերցված է 14.04.2012 
  6. «В «Шираке» тренируются три новичка» (ռուսերեն)։ Armfootball.com։ Արխիվացված է օրիգինալից 2012-09-18-ին։ Վերցված է 14.04.2012 
  7. «Арарат Арутюнян нуждается в операции» (ռուսերեն)։ Armfootball.com։ Արխիվացված է օրիգինալից 2012-09-18-ին։ Վերցված է 15.04.2012 
  8. «Аркадий Андриасян принял участие в занятиях для получения тренерской лицензии категории А» (ռուսերեն)։ Armfootball.com։ Արխիվացված է օրիգինալից 2012-09-18-ին։ Վերցված է 14.04.2012 
  9. «Вардан Бичахчян снова возглавил «Ширак»» (ռուսերեն)։ Armfootball.com։ Արխիվացված է օրիգինալից 2012-09-18-ին։ Վերցված է 15.04.2012 
  10. «Армянские тренеры изучили голландский опыт» (ռուսերեն)։ Armfootball.com։ Վերցված է 15.04.2012 

Արտաքին հղումներ[խմբագրել | խմբագրել կոդը]