Օրֆեում (թատրոն, Գզիրա)

Օրֆեում
Տեսակ	թատրոն
Երկիր	Մալթա

Օրֆեում թատրոն (անգլ.՝ Orpheum Theatre), Մալթայի Հանրապետության Գզիրա քաղաքում գտնվող կառույց, որի նախագծերը 1932 թվականին պատրաստել է մալթացի ճարտարապետ Հարոլդ Ջ. Բորգը^[1], իսկ շինարարական աշխատանքները ղեկավարել է Ֆելիքս Գերադան, որն իր անվան ու ազգանվան առաջին տառերը՝ FG, փորագրել է տվել շենքի ճակատին։ Շենքը կառուցվել է, որպեսզի ծառայի որպես կինոթատրոն, սակայն օգտագործվել է նաև համերգների և թատերական ու օպերային ներկայացումների համար։

Կառույցի ճարտարապետության վրա զգացվում է Art Nouveau ոճի և իսպանական ճարտարապետության որոշ տարրերի ազդեցությունը^[2]։

Հիշարժան կատարումներ[խմբագրել | խմբագրել կոդը]

Թատրոնում ելույթներով հանդես են եկել հանրահայտ մի շաք կատարողներ։

1950 թ. մարտի 24-25 - իտալացի տենոր Տիտո Շիպան (Tito Schipa), մի քանի շաբաթ անց՝ Մարիա Կանիլյան (Maria Caniglia)՝ մալթացի անվանի երգիչներ Օրեստ Կիրկոպի և Պաուլ Աշիակի երգակցությամբ

1953 թ. հուլիսի 10 - Թագավորական նավատորմի նվագախմբի համերգը՝ դիրիժոր սըր Մալքոլմ Սարջենթի ղեկավարությամբ

1954 թ. մայիսի 29-30 - իտալացի երգիչ Կլաուդիո Վիլլայի համերգները

1955 թ. տենոր Լուչիանո Տայոլին հինգ համերգ է տվել։

1958 թ. հունիսին Դոմենիկո Մոդունիոն հանդես է եկել համերգային ճոխ ծրագրով՝ կատարելով նաև Nel blu dipinto di blu երգը։

1990-ական թվականների կեսերին թատրոնում կազմակերպվել է առաջին տարերային, ինքնաբուխ-հանպատրաստից pride party-ն, որին որոշ ժամանակ անց միջամտել է ոստիկանությունը^[3]

Black Sabbath աշխարհահռչակ երաժշտախումբը համերգ է տվել Orpheum Theatre-ում 1995 թ. օգոստոսի 25-ին^[4]^[5]։