Քորպտիկ

Վիքիպեդիայից՝ ազատ հանրագիտարանից
Jump to navigation Jump to search
Քորպտիկ
Schistosomiasis itch.jpeg
Բշտիկահանգույցներ
Տեսակ հիվանդություն
Բժշկական մասնագիտություն մաշկաբանություն
ՀՄԴ-9 698.2 և 698.3
ՀՄԴ-10 L28.1 և L28.2
Հիվանդությունների բազա 31662
MeSHID D011536

Քորպտիկ, մաշկային հիվանդությունների (նեյրոդերմատոզների) խումբ, որի հիմնական ախտանշանը նոպայաձև ուժեղ քորն է՝ բշտիկահանգուցիկային տարրերի հետագա զարգացմամբ։

Առաջացման պատճառներ[խմբագրել | խմբագրել կոդը]

Նյարդային և ալերգիական գործոնները, որոշ ներքին օրգանների գործունեության խանգարումները, քրոնիկական բորբոքային օջախները՝ ժառանգական նախատրամադրվածության պայմաններում։

Տեսակներ[խմբագրել | խմբագրել կոդը]

Մանկական քորպտիկ, կամ մանկական մոլաքոր, նկատվում է վաղ հասակում, հաճախ կյանքի առաջին տարում։ Ախտածնության մեջ կարևոր են որոշ սննդանյութերի (հաճախ՝ մայրական կամ կովի կաթի, ցիտրուսների, ձվի և այլն) և դեղանյութերի հանդեպ առաջացող գերզգայնաթյունը, օրգանիզմի ինքնաթունավորումներն ու ինքնագերզգայնացումը։ Հիվանդությունը բնորոշվում է մաշկի տարբեր հատվածներում բշտիկահանգուցիկային տարրերի և եղնջացանի առաջացմամբ։ Հիվանդության ընթացքը երկարատև է։ Հետևողական բուժման ու հսկողության բացակայության դեպքում այն վերածվում է չափահասների քորի։ Չափահասների քոր, բնորոշ են կոնաձև կամ կիսագնդաձև, մինչև կորեկի հատիկի մեծության հանգուցիկները։ Հանգուցիկային քոր, հանդիպում է առավել հաճախ, բնորոշ է միջին տարիքի կանանց և արտահայտվում է սահմանափակ քանակությամբ հանգույցներով, որոնք տեղակայվում են սովորաբար ստորին ծայրանդամների տարածիչ մակերեսների վրա։ Հիվանդության ընթացքը երկարատև է, կրկնումները հաճախ լինում են հոգեկան սթրեսների ու մոծակների խայթոցների հետևանքով։

Բուժում[խմբագրել | խմբագրել կոդը]

Բուժումը խիստ անհատական է․ սննդաբուժություն (բեռնաթափման օրերի նշանակում՝ համեմունքների ու գրգռիչ սննդանյութերի, ածխաջրերի և այլն սահմանափակում)։ Վիտամիններով հարուստ սնունդ, բուսական յուղ, մրգեր (խնձոր), մածուն, կեֆիր և այլն։

Հանգստացնող դեղամիջոցներ[խմբագրել | խմբագրել կոդը]

Առողջարանային բուժում։

Կանխարգելում[խմբագրել | խմբագրել կոդը]

Օջախային վարակների ժամանակին հայտնաբերում և բուժում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png