Քոլին Մորգան

Վիքիպեդիայից՝ ազատ հանրագիտարանից
Jump to navigation Jump to search
Քոլին Մորգան
ColinMorgan Island premiere Glasgow Sun20Feb2011.jpg
Ծնվել էհունվարի 1, 1986(1986-01-01)[1] (33 տարեկան)
ԾննդավայրԱրմա
ԿրթությունՇոտլանդիայի թագավորական կոնսերվատորիա
ՔաղաքացիությունFlag of the United Kingdom.svg Միացյալ Թագավորություն
Մասնագիտությունդերասան, թատրոնի դերասան, կինոդերասան և հեռուստատեսային դերասան

Քոլին Մորգան (անգլ.Colin Morgan)՝ բրիտանացի դերասան, առավել հայտնի Մերլինի դերակատարությամբ BBC-ի համանուն ֆիլմում։

Կենսագրություն[խմբագրել | խմբագրել կոդը]

Քոլին Մորգանը ծնվել է 1986 թվականի հունվարի 1-ին Հյուսիսային Իռլանդիայում գտնվող Արմա քաղաքում։ Միջնակարգ կրթությունը ստացել է Անգլիայի «Saints and Scholars Primary School»-ում և Դանոնի ինտեգրված քոլեջում (ICD)։ Ուսումնական երրորդ տարում Քոլինը արժանացել է Դենիս Ռունի գավաթին որպես տարվա լավագույն ուսանող։ Քոլեջն ավարտելուց հետո Քոլինն ընդունվել է Բելֆաստի քոլեջ (Belfast Metropolitan College/ Belfast Institute of Further & Higher Education), որն ավարտել է 2014 թվականին՝ կատարողական արվեստի ազգային դիպլոմով։
Քոլեջից հետո Քոլինը շարունակեց կրթությունը Գլազգոյի «Երաժշտության և դրամայի Թագավորական ակադեմիայում» (Royal Scottish Academy of Music and Drama)՝ սովորելով 3 տարի։ 2010 թվականի նոյեմբերին «Belfast Metropolitan College»-ի կողմից Քոլինին շնորհվեց «Award of Distinction» հեղինակավոր մրցանակը արվեստի մեջ իր ներդրումն ունենալու համար։
2007 թվականին Քոլինը Լոնդոնի հին թատրոն «Old Vic»-ի բեմում կատարեց Էստեբանի դերը Պեդրո Ալտեմորի «Ամեն ինչ իմ մոր մասին» ստեղծագործության ադապտացված տարբերակում և ստացավ գլխավոր դեր Պիեր Դի Բի Սիի «Վերնոն Աստված Լիտլ» գրքի էկրանավորման համար։ 2008-2012 թվականներին Մորգանը մարմնավորեց Մերլինին համանուն հեռուստասերիալում, որի համար արժանացավ «National Television Awards» մրցանակին։

Ընտանիք[խմբագրել | խմբագրել կոդը]

Քոլինի մայրը՝ Բերնին, բուժքույր է, իսկ հայրը՝ Բերնարդը, նկարիչ և դիզայներ։ Քոլինն ունի մեկ եղբայր՝ Նեյլը, ով մեծ է նրանից 3 տարով։ Նեյլը Լոնդոնի թաղման բյուրոյի տնօրենն է։

Հետաքրքիր փաստեր[խմբագրել | խմբագրել կոդը]

Քոլինի հասակը 1.83 մետր է, Քոլինը բուսակեր է, ունի կաթնաշաքարի անհանդուրժողականություն, ուստի չի օգտագործում կաթնամթերք, հրաշալի լողորդ է, ունի բեմական մարտերի առաջին աստիճանի BAF (սուսերամարտի բրիտանական ակադեմիա) սերտիֆիկատ։

Գործունեություն[խմբագրել | խմբագրել կոդը]

2002 թվականին (հոկտեմբերի 27) 16 տարեկանում Քոլինը մասնակցել է «You’re A Star» երաժշտական ծրագրի լսումներին։ Հաղթողը պետք է պայմանագիր ստորագրեր ձայնագրման ստուդիայի հետ և ներկայացներ Իռլանդիան 2003 թվականի Եվրատեսիլին։ Քոլինն անցավ լսումները։

Մինչև 2008 թվականին Մերլինի դերը ստանալը, Մորգանը խաղացել է բազմաթիվ աննշան դերեր հեռուստատեսային հաղորդումներում. «Քեթին Թեյնի շոուն» 2007 թ., «Բժիշկ ով» (էպիզոդ «Կեսգիշեր») 2013 թ։ 2009 թվականի մարտից աշխատել է ռադիոյի «Նորածնի ճիչը» հաղոդորմանը։ Կինեմատոգրաֆիայում նրա դեբյուտը եղավ «Կղզի» ֆիլմը, որը հիմնված էր Ջեյն Ռոջերի համանուն վեպի հիման վրա։

  1. filmportal.de — 2005.