Քարթլի-Կախեթի թագավորություն

Վիքիպեդիայից՝ ազատ հանրագիտարանից
HS Disambig.svg Անվան այլ կիրառումների համար տես՝ Կախեթ (այլ կիրառումներ)

Քարթլի-Կախեթի թագավորություն, ֆեոդալական պետություն Արևելյան Վրաստանում։

Պատմություն[խմբագրել | խմբագրել կոդը]

Առաջացել է 15-րդ դարի 2-րդ կեսին։ Մայրաքաղաքն էր Թիֆլիսը։ Գոյատևել է մինչև 1762 թվականը, երբ Հերակլ 2-րդ թագավորի օրոք Քարթլին միավորվել է Կախեթի հետ մեկ, միասնական՝ Քարթլի–Կախեթի թագավորության մեջ։ Քարթլի-Կախեթի թագավորության տնտեսությունը հիմնված էր բնատնտեսության վրա։ Երկիրը բաժանված էր առանձին կիսանկախ միավորների՝ սաթավադոների։ 17-րդ դարի վերջին 18-րդ դարի սկզբին Քարթլի-Կախեթի թագավորությունում տեղի է ունեցել տնտեսության և մշակույթի վերելք։ 16–18-րդ դարերում Քարթլի-Կախեթի թագավորությունը պայքար է մղել թուրք–իրանական զավթիչների դեմ։ Վրացի քաղաքական գործիչները (Լուարսաբ 1-ին, Սիմոն, Գեորգի Սաակաձե, Ռոստոմ, Վախթանգ 6-րդ, Հերակլ 2-րդ և ուրիշներ) պայքարել են երկրի անկախության պահպանման համար։ 1723 թվականին Քարթլի-Կախեթի թագավորությունը նվաճել են թուրքերը, 1735 թվականին՝ պարսիկները։ 1744 թվականին Քարթլի-Կախեթի թագավորությունն ազատագրվել է օտարի լծից։ 1801 թվականին Քարթլի–Կախեթի թագավորության կազմում միացել է Ռուսաստանին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png