Փարոս (թերթ, Ախալքալաք)

Փարոս;
Տեսակ	պարբերական
Լեզու	հայերեն և վրացերեն
Հիմնադրվել է	1931
Երկիր	Ախալքալաքի շրջան
Լուծարվել է	1999

«Փարոս», երկօրյա թերթ, 1990-ական թվականներից՝ անկանոն պարբերականությամբ, Վրաստանի Ախալքալաքի շրջանի վարչության պաշտոնաթերթ (մինչև 1991 թվականը՝ Վրաստանի կոմունիստական կուսակցության Ախալքալաքի շրջանային կոմիտեի և ժողովրդական պատգամավորների շրջանային խորհուրդների պաշտոնաթերթ)։

Պատմություն[խմբագրել | խմբագրել կոդը]

Լույս է տեսել 1931–1999 թվականներին Ախալքալաքում՝ հայերեն, 1 էջը՝ վրացերեն։ 1931–1936 թվականներին թերթը կոչվել է «Սոցիալիստական անասնաբուծություն», 1936–1949 թվականներին՝ «Բոլշևիկյան կոլխոզ», 1950–1955 թվականներին՝ «Օքթոմբերիս դրոշա», 1956–1961 թվականներին՝ «Հոկտեմբերի դրոշով», 1961–1964-ին՝ «Կարմիր դրոշ»։

Լուսաբանել է շրջանի տնտեսական, քաղաքական, մշակութային կյանքը, անդրադարձել է Հայաստանում, Արցախում տեղի ունեցող կարևոր իրադարձություններին, հայ-վրացական պատմական առնչություններին, տպագրել է շրջանի երիտասարդ ստեղծագործողների գործեր, նմուշներ՝ Ջավախքի բանահյուսությունից և այլն։

Խմբագիրներ[խմբագրել | խմբագրել կոդը]

Ռուբեն Լուսինյան
Մ. Ազնավուրյան
Հ. Չոբանյան
Գ. Երմիշյան
Հակոբ Բլրցյան
Վարդան Վարդանյան
Ռ. Թոփալյան
Մաթևոս Խոցանյան
Մերուժան Շիպակցյան
Հարություն Հայրապետյան
Գրիգոր Վարդիկյան
Նիկոլայ Ալելիաշվիլի (վրացերեն էջի խմբագիր)

Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։