Ցիկլոպի համախտանիշ

Վիքիպեդիայից՝ ազատ հանրագիտարանից
Jump to navigation Jump to search
Ցիկլոպի համախտանիշ
Ենթադաս cyclocéphalians
Բժշկական մասնագիտություն բժշկական գենետիկա
ՀՄԴ-9 759.89
ՀՄԴ-10 Q87.0
Անվանվել է Կիկլոպներ
Cyclopia (Medicine) Վիքիպահեստում

Ցիկլոպի համախտանիշ, ցիկլոպիա, կիրառվում է նաև ցիկլոցեֆալիա տարբերակը: Արատ է, որը զարգանում է ողնաշարավորների մոտ: Այդ արատի դեպքում ակնագնդերը ամբողջությամբ կամ մասնակի սերտաճում են և տեղավորվում մեկ ակնակապիճում, որը գտնվում է դեմքի միջին գծի վրա: «Ցիկլոպները» մահանում են կյանքի առաջին օրերին[1][2]:

Անատոմիա[խմբագրել | խմբագրել կոդը]

Ցիկլոպիան զարգանում է հղիության վաղ շրջաններում, հենց այդ ժամանակ է ձևավորվում գլխուղեղը և աչքերը: Սովորաբար «ցիկլոպների» մոտ բացակայում է քիթը և նրա փոխարեն աչքից վերև գտնվում է մկանային կնճիթիկ, որով նորածինը կարող է շնչել: Այս երևույթը հանդիսանում է գլխուղեղի զարգացման խանգարում, ուստի հաճախ դրա հետ մեկտեղ պտղի մոտ հայտնաբերվում են նաև այլ շեղումներ:

Առաջացման պատճառները[խմբագրել | խմբագրել կոդը]

Շեղումն առաջանում է քրոմոսոմային մուտացիայի կամ մոր կողմից թերատոգեն նյութերի օգտագործման պատճառով: Այդպիսի նյութերից մեկն է ալկալոիդ ցիկլոպանինը[3]:

Դեպքեր[խմբագրել | խմբագրել կոդը]

Ցիկլոպիան մարդու զարգացման հազվադեպ տեսակներից է, հաճախականությունը կազմում է միլիոնից մեկը: 2005 թվականին ԱՄՆ-ում ծնվել է Ցու անունով միաչքանի կատուն:

Ազդեցությունը արվեստի վրա[խմբագրել | խմբագրել կոդը]

Հին հունական դիցաբանության մեջ գոյություն են ունեցել երեք միաչքանի հսկաներ՝ կիկլոպներ, որոնցից էլ ծագել է գենետիկական շեղման անունը: Այդ անվանումը հիմնականում տարածված է եղել հունական դիցարանում:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Taber's Cyclopedic Medical Dictionary, 0-8036-0654-0
  2. Leroi, Armand Marie Mutants: On Genetic Variety and the Human Body, p.73. 978-0142004821
  3. Chin Chiang, Ying Litingtung, Eric Lee, Keith E. Young, Jeffrey L Corden, Heiner Westphal, Philip A. Beachy (1996)։ «Cyclopia and defective axial patterning in mice lacking Sonic hedgehog gene function»։ Nature 383 (6599): 407–413։ PMID 8837770։ doi:10.1038/383407a0