Տիգրան Սարգսյան (բալետի արտիստ)
| Տիգրան Սարգսյան | |
|---|---|
| Ծնվել է | հուլիսի 3, 1994 (29 տարեկան) |
| Ծննդավայր | Երևան, Հայաստան |
| Քաղաքացիություն |  Հայաստան |
| Մասնագիտություն | բալետի պարող |
Տիգրան Սարգսյան (հուլիսի 3, 1994, Երևան, Հայաստան), բալետի արտիստ։
Կենսագրություն[խմբագրել | խմբագրել կոդը]
Տիգրան Սարգսյանը ծնվել է 1994 թվականի հուլիսի 3-ին, Երևան քաղաքում[1]։ 2001-2004 թվականներին սովորել է Երևանի Ալեքսանդր Գրիբոյեդովի անվան թիվ 41 միջնակարգ դպրոցում։ Մասնագիտական կրթությունը ստացել է 2004-2010 թվականներին՝ Երևանի պարարվեստի պետական ուսումնարանի բալետի բաժնում՝ Հովհաննես Դիվանյանի դասարանում[2]։
2011-2014 թվականներին ուսումը շարունակել է Ցյուրիխի Պարի ակադեմիայում` Օլիվեր Մատցի դասարանում։ 2014 թվականից աշխատանքի է անցել Գերմանական Դորտմունդ Բալետում[3]։ Ուսումնառության ընթացքում Տիգրան Սարգսյանը մասնակցել է մշակույթի ոլորտի միջոցառումների և միջազգային մրցույթների, արժանացել է մրցանակների և պատվոգրերի։ 2010 թվականին հայաստանում մասնակցել է ԱՊՀ երկրների բաց երիտասարդական Դելփյան խաղերին, իսկ 2013 թվականին՝ Շվեյցարիայի «Prix De Lausanne», որտեղ Սան Ֆրանցիսկոյի պարի ակադեմիայում երկու ամսվա ուսուցման մրցանակի է արժանացել։ Տիգրան Սարգսյանը հանդես է եկել Ալբերտի, Կոլենի, Զիգֆրիդի, Ծովահենի, Բազիլի վարիացիաներով։ Նա աշխատել է տարբեր հայտնի խորեոգրաֆների հետ և կատարել մի շարք բեմադրություննե՝ Գ.Մոնտերոի «Օթելոյի մենախոսությունը», Ու.Ֆորսայթի «In the middle», Մ.Մռազեվսկու, Յ.Հեկմանի, Ա.Կունզի, Օ.Մատցի, Ժ.Գիեմ Բարտի և այլն։ Տիգրան Սարգսյանը ելույթներ է ունեցել Եվրոպայում և ԱՄՆ-ում[4]։
Ծանոթագրություններ[խմբագրել | խմբագրել կոդը]
- ↑ Stories, Local. «Meet Tigran Sargsyan - Voyage LA Magazine | LA City Guide». voyagela.com (ամերիկյան անգլերեն). Վերցված է 2021 թ․ սեպտեմբերի 22-ին.
- ↑ «AV Production - Տիգրան Սարգսյան». avproduction.am. Արխիվացված է օրիգինալից 2021 թ․ նոյեմբերի 28-ին. Վերցված է 2021 թ․ հուլիսի 3-ին.
- ↑ «Tigran Sargsyan – Principal Dancer». Los Angeles Ballet (անգլերեն). Վերցված է 2021 թ․ սեպտեմբերի 22-ին.
- ↑ «The ARC Entertainment Company - Tigran Sargsyan». www.arcentertainmentcompany.com. Վերցված է 2021 թ․ սեպտեմբերի 22-ին.(չաշխատող հղում)
Արտաքին հղումներ[խմբագրել | խմբագրել կոդը]