Տանտեքս Սքայ Թաուեր
 | |
|---|---|
 | |
| Տեսակ | Երկնաքեր |
| Երկիր |  Չինաստանի Հանրապետություն |
| Տեղագրություն | Lingya District? |
| Հասցե | Lingya District |
| Բարձրություն | 378 մետր |
| Հարկեր | 85 |
| Վերելակներ | 54 |
| Մակերես | 306 337 քառակուսի մետր |
| Հիմնադրված է | 1997 |
| Ճարտարապետ | C. Y. Lee? |
 | |
 | |
Տանտեքս Սքայ Թաուեր կամ 85 Սքայթաուեր (չինարեն՝ 高雄85大樓, անգլ.՝ Tuntex Sky Tower), 85 հարկանի երկնաքեր, որը գտնվում է Թայվանի Գաոսյուն քաղաքում։ Շենքի բարձրությունը 347,5 մետր է[1], իսկ ալեհավաքի հետ՝ 378 մետր[2]։ Թայվանի ամենաբարձր կառույցն է եղել մինչև 2003 թվականը, երբ կառուցվել է Թայբեյ 101 աշտարակը, 2015 թվականի դրությամբ կառույցը հանդիսանում է 31-րդ ամենաբարձր աշտարակը Ասիայում և 41-րդը՝ ողջ աշխարհում։
Երկնաքերն անսովոր տեսք ունի․ երկու առանձին 39 հարկանի մասնաշենքեր միանում են և իրենց վրա պահում դեպի վերև բարձրացող կենտրոնական աշտարակը, որի տակ մնում է որոշակի դատարկ տարածք։ Այսպիսով շենքը նմանվում է չինական 高 հիերոգլիֆի "Գաո" ("բարձր"), ինչն առկա է քաղաքի անվանման մեջ։
Շենքը պատկանում է «Tuntex Group» ընկերությանը[3]։ Հիմնականում բաղկացած է գրասենյակներից, կան նաև բնակելի տներ, առևտրի կենտրոն, «Splendor Kaohsiung» հյուրանոցը՝ (37-70 հարկանի)։ Դիտակետը գտնվում է երկնաքերի 75-րդ հարկում, շենքում գործում են արագընթաց վերելակներ, որոնք մեկ վայրկյանում անցնում են 10,17 մետր տարածություն։ Աշտարակից բացվում է տեսարան դեպի քաղաք, գետ և նավամատույց։
Ծանոթագրություններ[խմբագրել | խմբագրել կոդը]
- ↑ «Небоскрёб Тантекс Скай Тауэр - OpenTripMap»։ OpenTripMap.com (ռուսերեն)։ Վերցված է 2019-08-09
- ↑ «85 Sky Tower \ Башня Тантекс Скай Тауэр (высота 378 м.) в Гаосюне. Фотографии, описание, адрес»։ all-towers.ru։ Վերցված է 2019-08-09
- ↑ «85 Sky Tower высота, фотографии, информация - Skyscrapers of the World»։ skyscrapersworld.com։ Արխիվացված է օրիգինալից 2019-08-09-ին։ Վերցված է 2019-08-09
Արտաքին հղումներ[խմբագրել | խմբագրել կոդը]
|
