Վուքիպեդիա
.png) | |
| starwars.fandom.com(անգլ.) | |
| Տեսակ | Fandom wiki? |
| Լեզու | անգլերեն |
| Սեփականատեր | Fandom, Inc.? |
| Բացված | մարտի 4, 2005 |
 Wookieepedia Վիքիպահեստում | |
Վուքիպեդիա, «Աստղային պատերազմների» մասին հանրագիտարան (անգլ.՝ Wookieepedia, the Star Wars Wiki), «Աստղային պատերազմների» հորինված տիեզերքի մասին առցանց հանրագիտարան, որը պարունակում է տեղեկատվություն ֆիլմերի և «Աստղային պատերազմների» ընդլայնված տիեզերքի մասին։ Հոդվածների ազատ խմբագրման արդյունքում ռեսուրսի ոչ բոլոր տեղեկությունները կարող են կանոնական համարվել՝ համեմատած բնօրինակ «Սագայի» հետ։ Վուքիպեդիա անվանումը ծագել է «Վուքի» և «Վիքիպեդիա» բառերի լեզվական համակցությունից։
Պատմություն
[խմբագրել | խմբագրել կոդը]
Վիքիայում տեղադրված Վուքիպեդիան ստեղծվել է Չեդ Բարբրիի և Սթիվեն Գրինվուդի կողմից 2005 թվականի մարտի 4-ին։
Առաջին խմբագիրները հիմնականում Վիքիպեդիայից էին, ովքեր վրդովված էին նշանակալիության չափանիշներին չհամապատասխանող հոդվածների ջնջումից և դրանք ջնջելու վերաբերյալ քննարկումներից։ Առաջին հոդվածներից շատերն ուղղակիորեն պատճենված էին Վիքիպեդիայից՝ ԳՆՈՒ ազատ փաստաթղթային արտոնագրի շրջանակներում։ Որոշ հոդվածներ այժմ ոչ նշանակալի են համարվում Վիքիպեդիայի համար (օրինակ՝ պատվեր D6-66) և այլևս ավարտուն տեսքով չեն։
Բացի այդ, հոդվածների որոշ հատվածներ վուքիֆիկացվել են (օրինակ՝ հանվել են աստղերի պատերազմի տիեզերքին կերպարի պատկանելության մասին հիշատակումները, վերնագրերից ջնջվել են որոշ ձևակերպումներ և այլն)։ Այնուամենայնիվ, կան հոդվածներ, որոնք նկարագրում են իրական կյանքի դերասաններին, իրական ընկերություններ և «Աստղային պատերազմների» հետ կապված տարբեր մշակութային երևույթներ։ Ժամանակի ընթացքում ռեսուրսը փոփոխությունների է ենթարկվել, ի հայտ է եկել ոճի ուղեցույց։
2005 թվականի նոյեմբերի 28-ին Վուքիպեդիան Sci Fi Channel-ի կողմից ընտրվել է որպես շաբաթվա կայք[1], 2007 թվականի ապրիլին ճանաչվել է որպես ամենաշատ այցելվող վիքի։
2013 թվականի սեպտեմբերին անգլերեն տարբերակում հաշվարկվել է մոտ 106,500 հոդված, ինչը այն դարձնում է Վիքիում տեղակայված ամենամեծ նախագծերից մեկը՝ Memory Alpha-ի և Uncyclopedia-ի հետ։
2012 թվականի հունվարի դրությամբ նախագծի բոլոր լեզուներով տարբերակներում պարունակվում էր ավելի քան 172,500 հոդված։
Անգլերեն բաժնի զարգացման ժամանակագրություն
[խմբագրել | խմբագրել կոդը]- Օգոստոս, 2005՝ գրվել է 10 հազարերորդ հոդվածը։
- Օգոստոս, 2007՝ գրվել է 50 հազարերորդ հոդվածը։
- Մինչև հունվար, 2012՝ ներբեռնվել է ավելի քան 48,000 պատկեր։
- Հունվար, 2013՝ գրվել է 100,000-րդ հոդվածը։
- Հունվար, 2014՝ հոդվածների թիվը հասել է 108.330-ի, բեռնված պատկերներինը՝ 60.000, մինչև այդ արվել է 4.717.000 խմբագրում, եղել է մոտ 10.950 գրանցված մասնակից, իսկ վերջին մեկ ամսվա ընթացքում ակտիվ մասնակիցները թիվը կազմել է մոտ 540։
Ռուսերեն վուքիպեդիա
[խմբագրել | խմբագրել կոդը]Ռուսալեզու Վուքիպեդիան ստեղծվել է 2006 թվականի մայիսի 12-ին Alex Jade մասնակցի կողմից։ 2010 թվականի մայիսի 15-ի դրությամբ այն պարունակում էր մոտ 2500 հոդված և նման նախագծերի շարքում հոդվածների քանակով զբաղեցրել 6-րդ տեղը (այսուհետ` չհաշված Jedipedia.net և Biblioteka Ossus նախագծերը)։ 2011 թվականի հոկտեմբերի 22-ի դրությամբ այն պարունակում էր 3890 հոդված (9-րդ տեղ)։ 2016 թվականի դեկտեմբերի 16-ին կայքն ուներ 14910 հոդված (4-րդ տեղ), իսկ 2019 թվականի փետրվարի 12-ի դրությամբ՝ 26,335 հոդված[2]։
Ծանոթագրություններ
[խմբագրել | խմբագրել կոդը]- ↑ «Sci-Fi Site of the Week». Sci-Fi.com. 28.11.2005. Արխիվացված է օրիգինալից 2006 թ․ մարտի 15-ին.
- ↑ List of Star Wars Wikis in other languages — Wookieepedia, the Star Wars Wiki
Գրականություն
[խմբագրել | խմբագրել կոդը]- Benoît Berthou, Fiction et forme encyclopédique : Wookieepedia, Dragon Ball Wiki et Cie // Strenæ [En ligne], 2 | 2011. (ֆր.)
Արտաքին հղումներ
[խմբագրել | խմբագրել կոդը]- Պաշտոնական կայք
- Thomas J. McLean (2007 թ․ մայիսի 5). «Wookieepedia tracks 'Star Wars'». Variety. Արխիվացված օրիգինալից 2018 թ․ հոկտեմբերի 4-ին. Վերցված է 2018 թ․ հոկտեմբերի 4-ին.
- Zack O'Malley Greenburg (2015 թ․ ապրիլի 17). «Inside The Star Wars-Stoked Business of Wikia's Wookieepedia». Forbes. Արխիվացված օրիգինալից 2017 թ․ սեպտեմբերի 18-ին. Վերցված է 2017 թ․ սեպտեմբերի 17-ին.
- Cooper, Mike (02.12.2005). «Enter the Wookieepedia». TheForce.net.
- Cooper, Mike (05.03.2006). «Wookieepedia's First Anniversary!». TheForce.net.
 | Վիքիպահեստն ունի նյութեր, որոնք վերաբերում են «Վուքիպեդիա» հոդվածին։ |
| ||||||
