Վիքիպեդիա:Հոդվածի ստեղծում/Կազմակերպության նշանակալիություն
- Նշանակալիություն
Նշանակալիություն |
---|
Առարկան կամ թեման նշանակալի է, եթե այն բավականին մանրամասն ներկայացված է հեղինակավոր չեզոք երկրորդական աղբյուրներում: |
— Վիքիպեդիա:Նշանակալիություն |
Շատ քիչ կազմակերպություններ և ընկերություններ են համապատասխանում Վիքիպեդիայում հոդված ունենալու չափանիշներին: Աշխարհում կան միլիոնավոր կազմակերպություններ, բայց նրանց միայն 0,1%-ից քիչն են նշանակալի Վիքիպեդիայի համար:
Վիքիպեդիայում ներառվելու համար կազմակերպությունը պետք է համապատասխանի նշանակալիության ընդհանուր չափանիշներին: Ըստ նշանակալիության ընդհանուր չափանիշների՝ առարկան ենթադրաբար նշանակալի է, եթե այն բավականին մանրամասն լուսաբանվում է հեղինակավոր չեզոք երկրորդական աղբյուրների կողմից, ինչպիսիք են ամսագրերը, թերթերը, գիտական հոդվածները, գրքերը և այլն:
- Շահերի բախում և գովազդ
Եթե դու ներկայացնում ես այն կազմակերպությունը, որի մասին ցանկանում ես հոդված գրել Վիքիպեդիայում, դու հնարավոր է ունենաս շահերի բախում և դժվարանաս գրել լավ, չեզոք հանրագիտարանային հոդված: Քեզ համար դժվար կլինի գրել հոդված, որը գովազդային ոճ չի ունենա, իսկ Վիքիպեդիայում գովազդն արգելվում է: Եթե քո ապագա հոդվածը նման է գովազդի և չի համապատասխանում նշանակալիության չափանիշներին, այն արագ կջնջվի: Ամենաճիշտ գործողությունն այս դեպքում ոչինչ չանելն է. եթե քո կազմակերպությունը նշանակալի է, վաղ թե ուշ ինչ-որ մեկը կգրի դրա մասին: Քո կազմակերպության մասին գրելու փոխարեն, դու կարող ես գրել մեկ այլ հոդված, օրինակ, այն ոլորտի մասին, որով զբաղվում է քո կազմակեպությունը: