Վիքիպեդիա:Հոդվածի ստեղծում/Գովազդ
| Նշանակալիություն |
|---|
|
Առարկան կամ թեման նշանակալի է, եթե այն բավականին մանրամասն ներկայացված է հեղինակավոր չեզոք երկրորդական աղբյուրներում: |
| — Վիքիպեդիա:Նշանակալիություն |
Շնորհակալություն «Հոդվածի ստեղծման օգնականին» հետևելու համար
Եթե դու սերտորեն կապված ես այն առարկայի հետ, որի մասին ցանկանում ես գրել, ամենայն հավանականությամբ կառաջանա շահերի բախում, և քեզ համար դժվար կլինի գրել չեզոք, լավ և հանրագիտարանային հոդված, որը գովազդ չի համարվի․ գովազդը Վիքիպեդիայում արգելված է։ Բացի այդ, եթե քո հոդվածը կհիշեցնի գովազդ կամ չի բավարարի վերոնշյալ նշանակալիության չափանիշներին, կարճ ժամանակում կջնջվի։
- Վերանայի՛ր մտադրությունդ։ Վիքիպեդիան առարկաների վաճառման կամ ծառայությունների առաջարկման վայր չէ։ Եթե դու այստեղ ես, որպեսզի ներկայացնես առարկա, որի մասին դեռ ոչ ոք ոչինչ չի լսել, կամ պատմես, թե որքան զարմանալի և հրաշալի է այդ ապրանքը, ցավում եմ, սխալ տեղ ես եկել։
- Մի՛ գրիր քո սեփական ապրանքի կամ կայքի մասին։ Սովորաբար ինչ-որ մեկը գրում է հոդված իր ստեղծածի մասին, որովհետև այն դեռ ոչ ոքի ուշադրությունը չի գրավել։ Այդ պատճառով էլ առաջանում է շահերի բախում, և այդօրինակ հոդվածները ջնջվում են։ Վիքիպեդիայում կան հոդվածներ հանրահայտ կայքերի և առարկաների մասին, բայց Վիքիպեդիան օգտագործել դրանց առաջխաղացման համար, անընդունելի է։