Վիշապը (ֆիլմ)
 հուն․՝ Ο Δράκος | |
|---|---|
.jpg) Ֆիլմի պաստառը | |
| Երկիր |  Հունաստան |
| Ժանր | թրիլեր |
| Թվական | մարտի 5, 1956[1] |
| Լեզու | հունարեն |
| Ռեժիսոր | Նիկոս Կունդուրոս |
| Սցենարի հեղինակ | Յակովոս Կամբանելիս |
| Դերակատարներ | Թանիսոս Վեգոս, Անդրեաս Դուզոս, Դինոս Իլիոպուլոս, Զանինո և Յանիս Արգյուրիս |
| Երաժշտություն | Մանոս Հաձիդակիս |
| Մոնտաժ | Նիկոս Կունդուրոս |
| Պատմվածքի վայր | Հունաստան |
| Նկարահանման վայր | Հունաստան |
| Տևողություն | 103 րոպե |
«Վիշապը» (հունարեն՝ Ο Δράκος), ռեժիսոր Նիկոս Կունդուրոսի 1956 թվականին թողարկված հունական արտադրության սևուսպիտակ ֆիլմը, որը 2006 թվականին կինոքննադատների կողմից ճանաչվել է հունական կինոյի պատմության լավագույն գլուխգործոցներից մեկը։
Սյուժե[խմբագրել | խմբագրել կոդը]
Ֆիլմի գլխավոր հերոս Թոմասը հասարակ պետական ծառայող է, որն աշխատում է բանկում։ Նա արտաքնուստ շատ նման է «Վիշապ» մականունը կրող ավազակին, ով ոստիկանության կողմից գտնվում է հետախուզման մեջ։ Այն բանից հետո, երբ «Վիշապ»-ի պատկերը հայտնվում է մամուլում՝ Թոմասը ևս սկսում է թաքնվել ոստիկանությունից։ Թոմասը ոստիկաններից խուսափելու բազմաթիվ փորձեր է անում և ի վերջո ապաստանում է Աթենքի գիշերային ակումբներից մեկում։ Կարծելով թե գտել են «Վիշապ»-ին՝ վերջինիս ավազակ հակառակորդները առևանգում են Թոմասին։ Հենց այս միջադեպի ընթացքում էլ նույն գիշերային ակումբի գեղեցիկ աղջիկներից մեկը սիրահարվում է Թոմասին։
Շուտով Թոմասն ազատվում է առևանգիչներից և թվում է թե ամեն ինչ հարթվելու է, քանզի ոստիկանությանն արդեն պարզ է դառնում երկու անձանց բացառիկ արտաքին նմանության մասին։ Բանտից ազատվելուց հետո Թոմասը փորձում է վերադառնալ իր նախկին կյանքին, սակայն հասկանում է, որ այդ ամենն անցյակում է, իսկ իրեն առավել շատ դուր է գալիս «Վիշապ»-ի կյանքը։
Դերերում[խմբագրել | խմբագրել կոդը]
- Դինոս Իլիոպուլոսը՝ Թոմասի դերում
- Մարգարիտա Պապագեորգիուն՝ Ռուլայի դերում
- Յանիս Արգյուրիսը՝ Խանդրոսի դերում
- Թանիսոս Վեգոսը՝ Սպաթիսի դերում
- Մարիա Լեկակին՝ Կարմենի դերում
- Անեստիս Վլախոսդդ
- Թոդորոս Անդրիկոպուլոս
- Ֆրիկսոս Նասսու
- Անդրեաս Դուզոս
Հետաքրքիր փաստեր[խմբագրել | խմբագրել կոդը]
- 1956 թվականին կինոնկարը հայտնվել է հունական թատրոններում։ Դրան հաջորդել է հույն պահպանողականների քննադատությունների և բողոքների տեղատարափ ալիքը։ Նրանք հեղինակներին մեղադրել են հունական քաղաքային կյանքը խեղաթյուրելու մեջ՝ ակնկալելով ներքին գործերի նախարարության միջամտությունը։
- «Վիշապը» դարձել է Սալոնիկի կինոփառատոնի առաջին հաղթանակած կինոնկարը։ Այդ հաղթանակից հետո այն արագորեն տարածվել է և անգամ ցուցադրվել Վենետիկի կինոփառատոնի ժամանակ։
- 2006 թվականի Սալոնիկի միջազգային կինոփառատոնի ժամանակ ֆիլմը դարձել է բոլոր ժամանակների 10 լավագույն հունական արտադրության ֆիլմերից մեկը[2][3]։ Քննադատների կարծիքով, այս ֆիլմը իտալական նեոռեալիզմի և գերմանական էքսպրեսիոնիզմի համադրություն է։
- Ֆիլմի հիման վրա գրվել է ամերիկացի հայտնի գրող Ջոնաթան Ֆրանզենի «Ազատություն» հայտնի վեպը։ Ստեղծագործությունում ֆիլմը հիշատակված է «Աթենքի թշնամին» անվանումով[4]։
Ծանոթագրություններ[խմբագրել | խմբագրել կոդը]
- ↑ Internet Movie Database — 1990.
- ↑ cinemainfo.gr Արխիվացված 2017-04-20 Wayback Machine, by Giannis Frangoulis (translated by Konstantinos Vassilaros), "47th THESSALONICA FILM FESTIVAL - FOG CASING OVER THE WORLD OF CINEMA", accessed 01-14-2009
- ↑ filmfestival.gr Արխիվացված 2017-04-20 Wayback Machine, " The ten best best film of the Greek Film Critics Association", accessed 01-14-2009
- ↑ Franzen, Jonathan, Freedom (A Novel), New York: Farrar, Straus and Giroux, 2010, pp. 96–8.
|
