Վիկտոր Տալալիխինի հուշարձան (Մոսկվա)

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Վիկտոր Տալալիխինի հուշարձան
Կոորդինատներ55°44′10″ հս․ լ. 37°40′39″ ավ. ե.HGЯO
Գտնվում էՌուսաստան Ռուսաստան
Մոսկվա
Կառուցվել է2001
Շինության ձևըՔանդակ
Կառուցել էԱ. Վ. Բալաշով
Ներկա վիճակըԿանգուն

Վիկտոր Տալալիխինի հուշարձան (ռուս.՝ Памятник Виктору Талалихину), հուշարձան Ռուսաստանի Դաշնության մայրաքաղաք Մոսկվայում, որը նվիրված է խորհրդային օդաչու, կրտսեր լեյտենանտ, Խորհրդային Միության հերոս (1941) Վիկտոր Վասիլևիչ Տալալիխինին։ Տեղադրվել է 2001 թվականին քաղաքի Տագանսկի շրջանում՝ Տալալիխինի և Մալայա Կալիտնիկովսկայա փողոցների հատման վայրում։

Պատմություն[խմբագրել | խմբագրել կոդը]

Հուշարձանը տեղադրելու նախաձեռնողները եղել են Մոսկվայի Տագանսկի շրջանի բնակիչները։ 2001 թվականի հունիսի 19-ին Մոսկվայի կառավարությունն ընդունեց թիվ 546-ՊՊ «Մոսկվայի ճակատամարտի 60-ամյակի տոնակատարության հիմնական միջոցառումները նախապատրաստելու և անցկացնելու ծրագրի իրականացման ընթացքի մասին» որոշումը, որով նախատեսվում էր նախագծել հուշարձանը, ձուլել բրոնզից, բարեկարգել տարածքը և կազմակերպել հուշարձանի բացման հանդիսավոր միջոցառումներ։ Ծրագրի բյուջեն 3 մլն ռուբլի էր[1]։ 2001 թվականի դեկտեմբերի 4-ին Վիկտոր Տալալիխինի հուշարձանը բացվեց։ 

Նկարագրություն[խմբագրել | խմբագրել կոդը]

Հուշարձանը պատրաստվել է բրոնզից և տեղադրվել գրանիտե պատվանդանի վրա։ Այն պատկերում է օդաչուին, որը կանգնած է ամբողջ հասակով, նա այն ժամանակների օդաչուական անձնակազմի հանդերձանքով է։ Պատվանդանի վրա ոսկեգույն տառերով գրված է.

Aquote1.png ՄՈՍԿՎԱՅԻ ԱՆՎԱԽ ՊԱՇՏՊԱՆ

ԽՈՐՀՐԴԱՅԻՆ ՄԻՈՒԹՅԱՆ ՀԵՐՈՍ
ՕԴԱՉՈՒ
ՎԻԿՏՈՐ ՎԱՍԻԼԵՎԻՉ
ՏԱԼԱԼԻԽԻՆԻՆ
1918-1941

Aquote2.png


Քանդակի հեղինակներն են քանդակագործ Ա. Վ. Բալաշովը և ճարտարապետներ Ի. Ն. Վոսկրեսենսկին և Ի. Ա. Վոսկրեսենսկայան, որոնց անունները փորագրված են պատվանդանի հետնամասում։

Ծանոթագրություններ[խմբագրել | խմբագրել կոդը]

Աղբյուրներ[խմբագրել | խմբագրել կոդը]