Վերջին հերթին (ֆիլմ)
 ռուս.՝ В последнюю очередь | |
|---|---|
| Երկիր |  ԽՍՀՄ |
| Թվական | 1981 |
| Լեզու | ռուսերեն |
| Ռեժիսոր | Անդրեյ Լադինին |
| Սցենարի հեղինակ | Անատոլի Ստեպանով |
| Դերակատարներ | Վասիլի Միշչենկո |
| Օպերատոր | Վիկտոր Շեյնին |
| Երաժշտություն | Յուրի Սաուլսկի |
| Կինոընկերություն | Մոսֆիլմ |
«Վերջին հերթին» (ռուս.՝ «В последнюю очередь»), խորհրդային գեղարվեստական ֆիլմ, դետեկտիվ, որը նկարահանվել է «Մոսֆիլմ» կինոստուդիայում ռեժիսոր Անդրեյ Լադինինի կողմից 1981 թվականին Անատոլի Ստեպանովի սցենարով[1]։
Ֆիլմի պրեմիերան ԽՍՀՄ-ում տեղի է ունեցել 1982 թվականի հուլիսին[2]։
Սյուժե[խմբագրել | խմբագրել կոդը]
1945 թվականի ապրիլին Մոսկվա է ժամանում հենց նոր հոսպիտալից դուրս գրված ավագ լեյտենանտ Սմիրնովը։ Նա վերադառնում է հայրենի տուն, հանդիպում է իր նախապատերազմյան անցյալից ծանոթ մարդկանց հետ։ Քաղաքի ողջ հասարակական ակտիվության կենտրոնացման վայրերում՝ շուկաներում, ռեստորաններում, իշխում են այն տեսակի մարդիկ, ովքեր լավագույնս կարող են հարմարվել պատերազմի հետևանքով ավերված երկրում դժվարին կյանքին։ Դրանք գողերն են, սպեկուլյանտները, փողոցային խաբեբաները և այլ քրեական տարրեր։ Պատերազմի հաշմանդամները, զորացրված զինվորներն էլ ստիպված են հարմարվել այդ պայմաններին։
Սկզբում թվում է, որ երիտասարդ լեյտենանտ Սմիրնովը ընդունում է խաղի նոր կանոնները։ Մոտակա երկաթուղային կայարանը գրավում է տեղական գողերին․ հսկողությունը քիչ է, իսկ կայանի միջոցով ամեն օր անցնում են սննդամթերքի և այլ արժեքավոր բեռների բազմաթիվ գնացքներ։ Ավազակախմբին հաղթելու համար պետք է մի մարդ, որը կարող է որպես տեղացի բնակիչ մոտենալ խմբավորմանը և բացահայտել նրա հիմնական մասնակիցներին։
Ի վերջո, առավել դժվար է գտնել և վնասազերծել դաժան ու վտանգավոր խմբավորման պարագլուխին, որը թաքնվում է ուրիշի անվան տակ՝ ներկայանալով որպես հաշմանդամ և պատերազմի հերոս Սերգեյ Օդինցով։ Զգալով վտանգը՝ նա որոշում է ազատվել մեղսակիցներից ու վկաներից և թաքնվել, սակայն ի վերջո Սմիրնովին, այնուամենայնիվ, հաջողվում է կենդանի բռնել նրան։
Նովելիզացիա[խմբագրել | խմբագրել կոդը]
Հետագայում ֆիլմի համար գրված սցենարի հիման վրա Անատոլի Ստեպանովն ստեղծել է համանուն վիպակը՝ «Վերջին հերթին»։ Ֆիլմի հիման վրա գրված նովելը դարձել է միլիցիայի աշխատակից Ալեքսանդր Սմիրնովի մասին դետեկտիվների շարքի առաջին գիրքը, որը գրվել և հրատարակվել է 1980-ականներին և 1990-ականներին։
Դերերում[խմբագրել | խմբագրել կոդը]
- Վասիլի Միշչենկո – Ալեքսանդր Սմիրնով, զորացրված ավագ լեյտենանտ
- Սերգեյ Սազոնտև – Սերգեյ Վասիլիևիչ Օդինցով, պատերազմի հաշմանդամ
- Վասիլի Ֆունտիկով – Ալիկ (Ալկա, Ալեքսանդր), Սմիրնովի մանկության ընկերը
- Լև Բորիսով – Սեմյոնիչ, գող-սպեկուլյանտ
- Ռիմա Կորոստելյովա – Լարիսա, Ալիկի քույրը
- Գենադի Կորոլկով – ոստիկանության փոխգնդապետ, ավազակության դեմ պայքարի խմբի ղեկավար
- Սերգեյ Պրիսելկով – Պետրո, շուկայում առևտուր անող զինվոր
- Նատալյա Ֆեկլենկո – Կլավա, Օդինցովի բնակակցուհին
- Լև Զոլոտուխին – Իվան Պավլովիչ, Լարիսայի և Ալիկի հայրը
- Սվետլանա Կոնովալովա – Սմիրնովի մայրը, երկաթուղային աշխատող
- Սերգեյ Բալաբանով – Արթուրմ, բանդիտ
- Վալենտին Կուլիկ – շուկայում հագուստի սպեկուլյանտ
- Անտոն Տաբակով – «վաճառական», հագուստի սպեկուլյանտի օգնական
- Վլադիմիր Ֆերապոնտով – Ապոլլինար, մատուցող
- Վլադիմիր Ռովինսկի – Միխայիլ
- Նիկոլայ Մալիկով – մատուցողուհի
- Վլադիմիր Մարենկով – կապիտան
Նկարահանող խումբ[խմբագրել | խմբագրել կոդը]
- Ռեժիսոր՝ Անդրեյ Լադինին
- Սցենարի հեղինակ՝ Անատոլի Ստեփանով
- Օպերատոր՝ Վիկտոր Շեյնին
- Բեմադրող նկարիչ՝ Ալեքսանդր Կուզնեցով
- Կոմպոզիտոր՝ Յուրի Սաուլսկի[3]
- Դիրիժոր՝ Կոնստանտին Կրիմեց
Ծանոթագրություններ[խմբագրել | խմբագրել կոդը]
- ↑ «Վերջին հերթին» ֆիլմը kino-teatr.ru կայքում
- ↑ «Վերջին հերթին (ֆիլմ)»(անգլ.) ֆիլմը Internet Movie Database կայքում
- ↑ «Վերջին հերթին» ֆիլմը kinopoisk.ru կայքում
|
