Վասիլի Գոգոլ Յանովսկի

Վիքիպեդիայից՝ ազատ հանրագիտարանից
Jump to navigation Jump to search
Վասիլի Գոգոլ Յանովսկի
Василий Гоголь-Яновский.jpg
Ծնվել է1777
ԾննդավայրՓոքր Ռուսաստան, Ռուսական կայսրություն
Վախճանվել էապրիլի 11 (23), 1825
Վախճանի վայրԿիբինցի
Մասնագիտությունգրող, բանաստեղծ, դրամատուրգ և պետական ծառայող
Լեզուռուսերեն և ուկրաիներեն
ՔաղաքացիությունՌուսական կայսրություն
ԱմուսինՄարիա Գոգոլ
ԶավակներՆիկոլայ Գոգոլ

Վասիլի Աֆանասևիչ Գոգոլ-Յանովսկի (ռուս.՝ Васи́лий Афана́сьевич Го́голь-Яно́вский, ի ծնե՝ Յանովսկի[1], 1777, Փոքր Ռուսաստան, Ռուսական կայսրություն - ապրիլի 11 (23), 1825, Կիբինցի), ուկրաինացի գրող, բանաստեղծ, դրամատուրգ, պետական ծառայող: Նիկոլայ Գոգոլի հայրը:

Կենսագրություն[խմբագրել | խմբագրել կոդը]

Ծագել է Գոգոլ-Յանովսկիների հին ազնվական տոհմից: Ըստ ավանդության նրա նախնիներից մեկը, Օստապ Գոգոլը, հայտնի էր որպես կազակական գնդապետ և Աջափնյա Ուկրաինայի գետման: Վասիլի Աֆանասևիչի մեծ պապը և պապը եղել են քահանաներ: Ճեմարանում, այնուհետև Կիևի հոգևոր ակադեմիայում սովորել է հայրը՝ Վասիլի Դեմյանովիչը, բայց նա, հրաժարվելով հոգևոր կարիերայից, ծառայել է Գլխավոր ռազմական գրասենյակում որպես գնդի գրագիր, ապա անցավ թոշակի երկրորդ մայորի կոչումով: Աֆանասի Դեմյանովիչը, լինելով ականավոր մարդ (տիրապետել է ռուսերենին, լատիներենին, հուներենին, գերմաներենին և լեհերենին), 1792 թվականին կարողացել է ձեռք բերել է ազնվականություն և տոհմի ազգանունը փոխել է Գոգոլ Յանովսկի[2][3]: Նրա հասարակական դիրքը ամրապնդվեց Ս. Լիզոգուբի դստեր հետ ամուսնանալուց հետո: Մի կողմից Լիզոգուբը գնդապետ Վասիլի Տանսկու փեսան էր, մյուս կողմից գետման Սկորոպադսկու հարազատ թոռն էր և, ստանալով ժառանգություն հարուստ հողատարածքներ, պատկանում էր Կիևի հասարակության վերնախավին: Որպես օժիտ կնոջ համար Աֆանասին ձեռք է բերում մի քանի տասնյակ գյուղացիական տարածքներ, որոնցում, ըստ ամփոփաթերթերի 1782 թվականին ապրում էին 268 գյուղացիներ:

Ըստ ընտանեկան ավանդույթի Վասիլին սովորել է Պոլտավայի սլավոնական ճեմարանում։ Որոշ ժամանակ աշխատելով փոստային գերատեսչությունում, նա 1805 թվականին հրաժարական է տվել՝ կոլեգիական ասեսորի կոչումով և հեռացել է Վասիլևկի սեփական տունը (Յանովշչինա), որպեսզի ամբողջությամբ նվիրվի տնտեսությանը[4][5]։ Վասիլի Աֆանասևիչը մտերիմ էր Պետական խորհրդի անդամ և նախարար Դմիտրի Տրոշչինսկու հետ, որը Գոգոլ Յանովսկիների հեռավոր ազգականն էր։ Թոշակի գնալուց հետո Տրոշչինսկին բնակություն է հաստատել Կիբինցի կալվածքում[1]։ Վասիլի Գոգոլ Յանովսկին 1812-1825 թվականներին եղել է Տրոշչինսկու տնային թատրոնի տնօրենը և դերասանը, որի համար գրել է (միջև 1822-1825 թվականներին) մի քանի զավեշտախաղեր ուկրաինական ժողովրդական կենցաղից ու հեքիաթներից։

Ծանոթագրություններ[խմբագրել | խմբագրել կոդը]

  1. 1,0 1,1 Даты жизни Н. В. Гоголя
  2. Секреты семьи Гоголя
  3. См. В. Вересаев. «К биографии Гоголя». 1. Предки Гоголя и его настоящая фамилия. — сб. Звенья, вып. 2, М. — Л., «Академия», 1933 г., стр. 286—293
  4. The gogol.ru domain is, probably, for sale Արխիվացված է Ապրիլ 1, 2009 Wayback Machine-ի միջոցով:
  5. Биография Николая Васильевича Гоголя