Վահագն Ազիզյան
 | |
|---|---|
| Ծնվել է | հունիսի 3, 1961 (62 տարեկան) |
| Ծննդավայր | Թեհրան, Իրան |
| Քաղաքացիություն |  Իրան |
| Մասնագիտություն | դերասան և ռեժիսոր |
Վահագն Ազիզյան (հունիսի 3, 1961, Թեհրան, Իրան), հայ դերասան, ռեժիսոր։
Կենսագրություն[խմբագրել | խմբագրել կոդը]
Վահագն Ազիզյանը ծնվել է Իրանի մայրաքաղաք Թեհրանում, 1961 թվականի հունիսի 3-ին[1]։ Նախնական կրթությունն ստացել է տեղի «Ռոստոմ» և «Քուշեշ Մարիամյան» դպրոցներում։
1993 թվականին Ազիզյանն ավարտել է Թեհրանի Հայոց դպրոցների հայրենագիտության դասընթացների 4-ամյա կուրսերը։
Ստեղծագործական կյանք[խմբագրել | խմբագրել կոդը]
Վահագն Ազիզյանը թատրոնով հետաքրքրված է եղել դեռևս վաղ տարիքից` մասնակցելով դպրոցական թատրոնի ներկայացումներին։ 1980 թվականին «Շահեն Սարգսյան» թատերախմբում հնարավորություն է ունեցել բեմ բարձրանալու` խաղալով մի շարք դերեր տարբեր ներկայացումներում։ Մասնակցել է նաև մի քանի պիեսների բեմադրական աշխատանքներին։
1987 թվականից կատարել է մի շարք բնութագրական դերեր` հանդես գալով «Արամայիս Ադամյանի» ՀՄԱԿ-ի թատերախմբում։ Վահագն Ազիզյանը դերեր է մարմնավորել նաև «Շերանիկ» թատերախմբում, իսկ Ա. Սուքիասյանի Տիկնիկային թատրոնում խաղացել է «Քաջ Նազարի» դերը։
Դերասանական գործի հետ միաժամանակ զբաղվել է նաև բեմադրական աշխատանքով։ 1955 թվականին Ք. Իսկանդարյանի հետ բեմադրել է շատ մի քանի պարսկերեն պիեսներ («Բումերանգ», «Ճանաչում եք դուք Ծիր Կաթին»)։ 2010 թվականին եղել է Երևանում` «Մեկ ազգ մեկ մշակույթ» փառատոնին ներկայացնելով Ա. Միլլերի «Իմ բոլոր զավակները» պիեսը, որտեղ հանդես է եկել որպես ռեժիսոր` միևնույն ժամանակ կատարելով նաև Ջիմ Բեյլիզի դերը։
Դերեր և բեմադրություններ[խմբագրել | խմբագրել կոդը]
- «Հին աստվածներ»` Ղազար վանական
- «Քարանձավի բնակիչները»` Դուքս
- «Գիշերային խրախճանք»` Պիեր
- «Թղթախաղ» (հեղ.` Հ. Պարոնյան)
- «Ուժեղը» (հեղ.` Ստրինդբերգ)
- «Արջը» (հեղ.` Ա. Չեխով)
- «Առաջարկություն» (հեղ.` Ա. Չեխով)
- «Թակարդը»` Դանիել Կորբան
- «Պըլը-Պուղ»` Պըլը Պուղ
- «Արտասահմանյան փեսացու»` Արմենակ
- «Պռոշի երազը»` Պռոշ
- «Բումերանգ» (հեղ.` Ա. Քալանթարյան, Ազիզյանը հանդես է եկել որպես ռեժիսոր)
- «Ճանաչում եք դու Ծիր Կաթին» (հեղ.` Կ. Վիթլինգեր, Ազիզյանը հանդես է եկել որպես ռեժիսոր)
- «Իմ բոլոր զավակներ» (հեղ.` Ա. Միլլեր)` ռեժիսոր, Ջիմ Բեյլիզ
Ծանոթագրություններ[խմբագրել | խմբագրել կոդը]
- ↑ Բ. Հովակիմյան, Թատերական օրացույց, Երևան, 2011, էջ 39-40