Վազող տող

Վիքիպեդիայից՝ ազատ հանրագիտարանից
Jump to navigation Jump to search

Վազող տող, էլեկտրական սարքավորում, որը նախատեսված է տեքստային կամ գրաֆիկական տեղեկատվության ներկայացման համար։ Ամենապարզ տարբերակում տեքստը պարզապես «վազում է»` շարժվելով աջից ձախ կամ հակառակը։ Արտացոլվող մատրիցը սովորաբար բաղկացած է լինում լուսային դիոդներից[1]։ Հաճախ վազող տողը սովորական տեքստից բացի կարող է ներկայացնել պարզ գրաֆիկա և տարբեր էֆեկտներ։

Գույներ[խմբագրել | խմբագրել կոդը]

Վազող տողը կարող է լինել միագույն կամ բազմագույն։

Տեղեկատվության թարմացման եղանակներ[խմբագրել | խմբագրել կոդը]

Վազող տողով ներկայացվող տեքստը վաղ թե ուշ կորցնում է իր արդիականությունը, ուստի անհրաժեշտ է այն պարբերաբար թարմացնել։

Թարմացնելու համար հարկավոր է վազող տողը միացնել օգտագործողի անհատական համակարգչին և բեռնել նոր տեղեկատվություն։ Միացումը կարելի է անել տարբեր ինտերֆեյսների օգնությամբ[2]։ Առավել հայտնի են RS-232-ը (COM-պորտ), Ethernet-ը, USB-ն, ռադիոն, Wi-Fi-ը, GSM-կապը, bluetooth-ը և այլն[3][4][5]։

Ղեկավարման միջոցներ[խմբագրել | խմբագրել կոդը]

Վազող տողի ստանդարտ ղեկավարումը կատարվում է համակարգչային հատուկ ծրագրի օգնությամբ, որի մեջ եղած ինֆորմացիան հատուկ ընտրված ինտերֆեյսի օգնությամբ (ավելի հաճախ USB կամ Ethernet) հաղորդվում է վազող տողին։

Եթե ստանդարտ ղեկավարում անել հնարավոր չէ, ապա կարելի է օգտագործել.

  • USB ինտերֆեյսից հաջորդականին փոխարկիչից (USB to serial adapter),
  • RS422 կամ RS485 ինտերֆեյս, սակայն այդ դեպքում համակարգիչը պետք է ունենա համապատասխան փոխարկիչ ինտերֆեյս,
  • «տվյալների փոխանցման սարքավորում», որը կարող է աշխատել ինֆրակարմիր ճառագայթների միջոցով կամ I-Button տեխնոլոգիայի կիրառմամբ,
  • GSM ստանդարտի բջջային կապ։

Հարմարում շրջապատող միջավայրին[խմբագրել | խմբագրել կոդը]

Լուսադիոդային այս սարքավորումը կարելի է օգտագործել ոչ միայն հաստատություններում, այլև փողոցում։ Խիստ կլիման և միջավայրային պայմանները արտադրողներին դրդում են օգտագործել փոշուց, խոնավությունից և այլ ներգործություններից պաշտպանող կաղապարներ։ Հյուսիսային շրջաններում օգտագործվող սարքավորումները նաև ունենում են ավտոմատ տաքացման համակարգ։

Սարքն ստեղծելիս միջավայրային բարդ պայմաններից բացի կարևոր է հաշվի առնել նաև արևի ճառագայթները, որոնք լուսավորում են սիմվոլները և իջեցնում պատկերի կոնտրաստը։ Դրանից խուսափելու համար արտադրողներն օգտագործում են ավելի վառ լուսադիոդներ։

Բնութագրեր[խմբագրել | խմբագրել կոդը]

Մատրիցների տիպիկ թույլտվությունը ուղղահայաց ձևով կազմում է 8, 16, 24, 32, իսկ հորիզոնական` 32, 64, 96, 128, 160, 192 և այլն։ Եթե վազող տողը շատ մեծ է, մեծացնում են ոչ թե թույլտվությունը, այլ ստեղծում են 4, 7, 9 լուսադիոդից բաղկացած փիքսելներ[6]։

Մատրիցի վրա տեղակայվող սիմվոլների քանակը կարող է տանտանվել 12-ից մինչև 36։

Հիշողության ճկունությունը տատանվում է մի քանի հազարից մինչև մի քանի հարյուր հազար սիմվոլ։

Կիրառություն[խմբագրել | խմբագրել կոդը]

Վազող տողը հիմնականում կիրառվում է գովազդային նպատակներով կամ բոլոր այն գովազդային գործակալությունների, խանութների ցանցերի, բանկերի և այլ հաստատությունների կողմից, որոնք ինչ-որ կերպ գործ ունեն մարդկանց խմբերի հետ։ Կարող է օգտագործվել նաև ոչ առևտրային նպատակներով` բնակչությանը որևէ վտանգի մասին տեղյակ պահելու, նորություններ և կարևոր տեղեկատվություն հաղորդելու, հասարակական տրանսպորտում կանգառները հայտարարելու, ընթացիկ ժամը, ամսաթիվը կամ օդի ջերմաստիճանը ցուցադրելու նպատակով։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Light Emitting Diode
  2. Мячев А. А. Интерфейсы средств вычислительной техники. Энциклопедический справочник. М.: Радио и связь, 1993. С. 4.
  3. R. M. Metcalfe and D. R. Boggs. Ethernet: Distributed Packet Switching for Local Computer Networks. // ACM Communications, 19(5):395—404, July 1976.
  4. Олифер В. Г., Олифер Н. А. Глава 13. Коммутируемые сети Ethernet // Компьютерные сети. Принципы, технологии, протоколы. — 4-е изд. — СПб.:Питер, 2010. — С. 438. — 4500 экз
  5. Бителева А. Технологии мультимедийного доступа. Журнал «Теле-Спутник» 8(82) (август 2002). Проверено 15 января 2010.
  6. Pixel — Definition and More from the Free Merriam-Webster Dictionary

Գրականություն[խմբագրել | խմբագրել կոդը]

  • Скотт Мюллер. Модернизация и ремонт ПК (глава 15 — Последовательный, параллельный и другие интерфейсы ввода-вывода — USB) = Upgrading and Repairing PCs. — 17 изд. — М.: «Вильямс», 2007. — С. 1016—1026.