Սրնգենի պսակավոր
| Սրնգենի պսակավոր | ||||||||||
|---|---|---|---|---|---|---|---|---|---|---|
| Գիտական դասակարգում | ||||||||||
|
||||||||||
| Լատիներեն անվանում | ||||||||||
| P. coronarius Լ.
|
Սրնգենի պսակավոր (լատին․՝ P. coronarius Լ.), դրախտավարդազգիներ ընտանիքի, սրնգենի ցեղի բույս։
Նկարագրություն[խմբագրել | խմբագրել կոդը]
Տերևաթափ թուփ է՝ մինչև 3 մ բարձրությամբ։ Ընձյուղները մերկ են, երիտասարդ տարիքում՝ մազմզուկապատ։ Հին ճյուղերի կեղևը դարչնագորշավուն է, ճաքճքող։ Տերևները ձվաձև են կամ երկարավուն ձվաձև, 4—8 (երբեմն՝ 10) սմ երկարությամբ և 1,5—5 սմ լայնությամբ, սրածայր գագաթով, լայն սեպաձև կամ կլորավուն հիմքով, ատամնաեզր, վերևից մերկ, ներքևից փնջավոր աղվամազապատ (ջղերի անկյուններում)։ Ծաղիկները սպիտակավուն են, չափազանց բուրումնավետ, 2,5—3,5 սմ տրամագծով, ձվաձև պսակաթերթիկներով, հավաքված 5—9-ական ողկույզանման ծաղկաբույլերում։ Ծաղկակիրը և բաժակաթերթիկները մերկ են կամ մազմզուկապատ, սռնակը սերտաճած է իր մեծ մասով։ Ծաղկում է հունիսին, պտղաբերում է օգոստոսին։
Տարածվածություն[խմբագրել | խմբագրել կոդը]
Բնական պայմաններում աճում է Արևմտյան Եվրոպայում։ Հայաստանում մշակվում է ամենուրեք, կովկասյան սրնգենու հետ միասին։
Կիրառություն[խմբագրել | խմբագրել կոդը]
Ունի բազմաթիվ պարտիզային ձևեր, որոնք տարբերվում են բարձրությամբ (ցածրաճ, բարձր), ծաղիկների լիաթերթիկությամբ, տերևների գույնով (ոսկեդեղին, սպիտակ երիզավոր), տերևների ձևով (նեղ նշտարաձև) և այլն։ Չափազանց արժեքավոր դեկորատիվ թուփ է։ Էկոլոգիական խումբը՝ XIII: Մշակության հավանական շրջանները՝ 1 — 32[1]:
Ծանոթագրություններ[խմբագրել | խմբագրել կոդը]
- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 2, Երևան, «Լույս հրատարակչություն», 1985, էջ 12։
|
Սա բույսերի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |