Սրբոց Երկոտասան Առաքելոց եկեղեցի
| Սրբոց Երկոտասան Առաքելոց եկեղեցի | |
|---|---|
| Հիմնական տվյալներ | |
| Տեսակ | եկեղեցի |
| Երկիր |  Թուրքիա |
| Տեղագրություն | Սկյուտար և Ստամբուլի մարզ |
| Դավանանք | Հայ Առաքելական Եկեղեցի |
 | |
 | |
| turkiyeermenileripatrikligi.org/site/surp-yergodasan-arakelots-ermeni-kilisesi-3-bolge-bogazin-anadolu-yakasi/ | |
Սրբոց Երկոտասան Առաքելոց եկեղեցի, հայ առաքելական եկեղեցի Թուրքիայի Ստամբուլ քաղաքի Քանդիլի թաղամասում[1][2]։ Եկեղեցին փայտաշեն է։
Հայերը Քանդիլի թաղամասում հաստատվել են 18-րդ դարի վերջերից։ Երկու հիշատակարաններ վկայում են, որ 1841 թվականին թաղամասում կար աղոթատեղի։ Ներկա եկեղեցին կառուցվել է 1846 թվականին Պողոս ամիրա Աշնանյանի նախաձեռնությամբ։ Օծվել և պաշտանմունքի համար բացվել է Մատթեոս Բ Չուխաճյան Կոստանդնուպոլսեցի պատրիարքի ձեռամբ, ով էլ եկեղեցին ընծայել է Քրիստոսի բոլոր առաքալաներին՝ այդկերպ շեշտադրելով հայ եկեղեցու առաքելական հիմքերը։ Բարսեղ աղա Ղազարոսյանի ջանքերով եկեղեցին վերանորոգվել է 1893 թվականին։ Ժամանակին այդ թաղամասում ապրել են հայտնի հայեր, այդ թվում՝ Գրիգոր Զոհրապը։ Տարիների ընթացքում թաղամասը հայաթափվել է։
1962 թվականին Հովհաննես և Հարություն Քյուփելյան եղբայրների բարերարությամբ եկեղեցին կրկին վերանորոգվել է։ 1985 թվականին ևս մեկ անգամ է վերանորոգվել, իսկ վերջին վերանորոգումը եղել է 2023 թվականին[3]։
Ծանոթագրություններ[խմբագրել | խմբագրել կոդը]
- ↑ «Վերաբացել է Պոլսի Սրբոց Երկոտասան Առաքելոց եկեղեցին». ՇՈՂԱԿԱԹ ՀԵՌՈՒՍՏԱԸՆԿԵՐՈՒԹՅՈՒՆ. 2023 թ․ նոյեմբերի 20. Վերցված է 2024 թ․ մարտի 3-ին.
- ↑ Surp Yergodasan Arakelots Ermeni Kilisesi, Kuzguncuk. Türkiye: Türkiye Ermenileri Patrikliği.
- ↑ LLC, Helix Consulting. «İstanbul'da Surp Yergodasan Arakelots Ermeni Kilisesi yeniden açıldı». www.ermenihaber.am (անգլերեն). Վերցված է 2024 թ․ մարտի 3-ին.