Ստեփան Նալբանդյան
| Ստեփան Նալբանդյան | |
|---|---|
| Ծնվել է | նոյեմբերի 4, 1958 |
| Ծննդավայր | Երևան, Հայկական ԽՍՀ, ԽՍՀՄ |
| Մահացել է | հունվարի 24, 2021 (62 տարեկան) |
| Վախճանի վայր | Երևան, Հայաստան |
Ստեփան Ժորայի Նալբանդյան (նոյեմբերի 4, 1958, Երևան, Հայկական ԽՍՀ, ԽՍՀՄ - հունվարի 24, 2021, Երևան, Հայաստան), հայ վերականգնող-ճարտարապետ, Պատմական հուշարձանների ճարտարապետների հայկական ասոցիացիայի համանախագահ, Հայաստանի ճարտարապետների միության անդամ[1]։
Կենսագրություն[խմբագրել | խմբագրել կոդը]
Ծնվել է 1958 թվականի նոյեմբերի 4-ին, Երևանում։ Սովորել և ավարտել է Ճարտարապետության և շինարարարության Հայաստանի ազգային համալսարանի (նախկինում Կ. Մարքսի անվան պոլիտեխնիկական ինստիտուտ) ճարտարապետության ֆակուլտետը[1]։
1988 թվականի Սպիտակի երկրաշարժից հետո եղել է «Երկիր և մշակույթ» հայաստանյան մասնաճյուղի նախագահը և այդ կազմակերպության միջոցներով իրականացրել է Հայաստանի տարածքում գտնվող մի շարք հուշարձանների ուսումնասիրման, պեղման, ամրակայման, նորոգման և վերականգնման աշխատանքներ[1]։
Հայաստանի Հանրապետությունում և Արցախի Հանրապետությունում պատմության ու մշակույթի մի շարք անշարժ հուշարձանների ամրակայման, նորոգման և վերականգնման գիտանախագծերի հեղինակ է, Պատմական հուշարձանների ճարտարապետների հայկական ասոցիացիայի համանախագահ, Հայաստանի ճարտարապետների միության անդամ, ԿԳՄՍ նախարարության գիտամեթոդական խորհրդի անդամ[1]։
Մահացել է 2021 թվականի հունվարի 24-ին, Երևանում[1]։
Պարգևներ[խմբագրել | խմբագրել կոդը]
Հայաստանի և այլ պետությունների կողմից արժանացել է մի շարք պատվոգրերի և շնորհակալագրերի[1]։