Սպիտակ Դրինի կիրճ

Վիքիպեդիայից՝ ազատ հանրագիտարանից
Jump to navigation Jump to search
Սպիտակ Դրինի կիրճ
ալբ․՝ Gryka e Drinit të Bardhë, սերբ.՝ Кањон Белог Дрима
White Drin Gorge.JPG
Կիրճի տեսքը Շվանի կամրջից
Խորություն45 մ
Երկարություն0,9 կմ

Սպիտակ Դրինի կիրճ (ալբ․՝ Gryka e Drinit të Bardhë, սերբ.՝ Кањон Белог Дрима), ոչ մեծ կիրճ՝ մասամբ ճանաչված Կոսովոյի Հանրապետության հարավ-արևմուտքում։ Կիրճով հոսում է Սպիտակ Դրին գետը։ Կիրճը համեմատաբար կարճ է՝ ընդամենը մոտավորապես 900 մ, իսկ խորությունը՝ 45 մ։ Կիրճի մուտքի մոտ գտնվում է Շվանի հին կամուրջը, որը Օսմանյան կայսրության ժամանակներից էր: Կիրճը Բալկանների բոլոր անկյուններից գրավում է սուզորդների։ Սպիտակ Դրին գետի կիրճը իր ջրաբանական և գեոմորֆոլոգիական նշանակության շնորհիվ 1986 թվականից պետական պահպանության տակ է գտնվում՝ որպես բնության հուշարձան[1][2]։

Աշխարհագրություն[խմբագրել | խմբագրել կոդը]

Սպիտակ Դրինի կիրճը գտնվում է Զրզե գյուղի մերձակայքում՝ (Օրահովաց վարչական միավորում) Շվանի կամրջի մոտ, Ջյակովիցա-Պրիզրեն ճանապարհի եզրին։ Կիրճը ձևավորվել է նեոգեն ժամանակաշրջանում։ Նրա ձևավորումը պայմանավորված էր բազմաթիվ տեկտոնիկ գործընթացներով։ Քարանձավն ունի կիրճերին բնորոշ հատկություններ և պարունակում է կարբոնատային միացություններ[3]։

Զբոսաշրջություն[խմբագրել | խմբագրել կոդը]

Գեոմորֆոլոգիական երկար գործընթացների արդյունքում Սպիտակ Դրինը կիրճ է ձևավորել երկու ժայռերի միջև, որն այժմ շատ գրավիչ է հետազոտողների և զբոսաշրջիկների համար: Գտնվում է Ջյակովիցան և Պրիզրենը իրար հետ կապող հիմնական ճանապարհի եզրին: Սպիտակ Դրինի կիրճ այցելում են բազմաթիվ արտասահմանցի զբոսաշրջիկներ, ինչպես նաև տեղացիներ: Միակամար Շվանի կամուրջը այս տարածքի ևս մի կարևոր զբոսաշրջային կետն է: Ամեն տարի տեղի են ունենում ջրացատկորդների մրցություններ, որոնց մասնակցում են տարածաշրջանի շատ մարզիկներ: 1986 թվականից կամուրջը և կիրճը գտնվում են պետական հսկողության տակ: Պաշտպանված տարածքը կազմում է 199 հա, այն գտնվում է Օրահովացի (124,96 հա) և Ջյակովիցայի (73,86 հա) մունիցիպալիտետների կազմում[4]: Գետահովիտի վերջում կա ռեստորան, որտեղ մատուցվում է Սպիտակ Դրինում որսացած ձուկը:

Ծանոթագրություններ[խմբագրել | խմբագրել կոդը]