Սպիտակաձյունիկը (մուլտֆիլմ, 1933)
 անգլ.՝ Snow White | |
|---|---|
| Տեսակ | կարճամետրաժ մուլտիպլիկացիոն ֆիլմ |
| Ժանր | ընտանեկան ֆիլմ[1], կինոկատակերգություն[1] և երաժշտական ֆիլմ[1] |
| Ռեժիսոր | Dave Fleischer? |
| Հնչյունավորում | Cab Calloway? |
| Պրոդյուսեր | Max Fleischer? |
| Երկիր | .svg){kind=small} ԱՄՆ |
| Լեզու | անգլերեն |
| Ընկերություն | Fleischer Studios? |
| Դիստրիբյուտոր | Paramount Pictures |
| Տևողություն | 7 րոպե |
| Թվական | 1933 |
Սպիտակաձյունիկը (անգլ.՝ Snow-White կամ անգլ.՝ Betty Boop in Snow-White), մուլտֆիլմ «Բետի Բուպ» շարքից, որը նկարահանվել է 1933 թվականին։ Դեյվ Ֆլեյշերը համարվում է մուլտֆիլմի ռեժիսորը, սակայն ամբողջ անիմացիան իրականացրել է Ռոլանդ Կրենդելը։ Կրենդելը հնարավորություն է ստացել աշխատել «Սպիտակաձյունիկը» մուլտֆիլմի վրա` որպես պարգև ստուդիայի հանդեպ հավատարմությանը, իսկ ստացված ֆիլմը համարվում է նրա գլուխգործոցը և ամերկյան անիմացիայի ոսկեդարի կարևոր փուլ։ Անիմատորին վեց ամիս է պետք եղել ֆիլմն ստեղծելու համար։
Սյուժե[խմբագրել | խմբագրել կոդը]
Կէբ Կէլոուէին հիշեցնող կախարդական հայելին Բետի Բուպին կոչում է «ամենագեղեցիկը աշխարհում», ինչով չափազանց շատ բարկացնում է թագուհուն (որը նման է նավաստի Պոպայի ընկերուհուն` Օլիվ Օյլին)։ Թագուհին հրամայում է Բամբո և Կոկո պահակներին կտրել Բետիի գլուխը։ Արցունքները աչքերին նրանք կապում են աղջկան ծառին և պատրաստվում են նրան սպանել, բայց խղճում են աղջկան և թաղում են կոճղն ու կացինը հողի տակ։ Բետի Բուպը կարողանում է փախչել, բայց նա ընկնում է սառած գետը և հայտնվում է սառցե փոսում, որը դիպչում է բլուրի վրա գտնվող յոթ թզուկների տան լանջին։ Նրանք որոշում են սառած Բետիին տանել կախարդական քարանձավ։ Այդ ժամանակ Կոկոն և Բիմբոն պատահականորեն ընկնում են նույն քարանձավը (թագուհու հետ, որն իրեն վհուկ էր դարձրել)։ Մինչև Կոկոն երգում էր «St. James Infirmary Blues» երգը, թագուհին նրան դարձնում է գրոտեսկային արարած, որից հետո սառեցնում է և՛ նրան, և՛ Բիմբոյին։ Որոշելով, որ բոլոր խոչնդոտները վերացված են, վհուկը նորից է հայելուն հարցնում, թե ով է աշխարհում ամենից գեղեցիկը։ Սակայն հայելին կախարդական ծուխ է բաց թողնում, որը եռյակին վերադարձնում է նորմալ դրության և թագուհուն դարձնում է տարօրինակ հրեշ։ Կատաղած հրեշը ընկնում է հերոսների հետևից, մինչև Բիմբոն չի բռնում նրա լեզվից և այն արմատահան անում։ Հրեշը փախչում է, իսկ Բետին, Կոկոն և Բիմբոն շրջան են կազմում և սկսում պարել։ Ֆիլմն այդքանով ավարտվում է։
Ազդեցություն[խմբագրել | խմբագրել կոդը]
Մուլտֆիլմը ճանաչվել է «մշակութապես նշանակալի» Կոնգրեսի ամերիկյան գրադարանի կողմից և 1994 թվականին ընդգրկվել է ֆիլմերի ազգային ռեգիստրում։ Նույն թվ ականին ընդգրկվել է 20 մեծագույն մուլտֆիլմերի շարքում։
Հետաքրքիր փաստեր[խմբագրել | խմբագրել կոդը]
- Մուլտֆիլմը հանրային սեփականություն է։
- «Սպիտակաձյունիկը» մուլտֆիլմում մեծապես օգտագործվում է 1914 թվականին Մաքս Ֆլեյշերի կողմից հայտնաբերված ռոտոսկոպիայի մեթոդը։
- Մուլտֆիլմն օգտագործվել է Ghostemane տեսահոլվակում[2]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Internet Movie Database — 1990.
- ↑ ＴＲＡＳＨ 新 ドラゴン (2017 թ․ սեպտեմբերի 8). «GHOSTEMANE - Mercury». Վերցված է 2018 թ․ մայիսի 17-ին.
Արտաքին հղումներ[խմբագրել | խմբագրել կոդը]
- Սպիտակաձյունիկը(անգլ.) ֆիլմը Internet Movie Database կայքում
- Սպիտակաձյունիկը YouTube կայքում
|
