Հասյա Դրորի
Հասյա Դրորի (եբրայերեն՝ חסיה דרורי,1899 –1976), իսրայելցի քաղաքական գործիչ,1949-1951 թվականներին Քնեսետում Մապաի (անգլ.՝ Mapai) կուսակցության անդամ:
Կենսագրություն
Դրորին՝ Հասյա Կուպֆերմինցը, ծնվել է Գոմելում՝ Ռուսական կայսրության Մոգիլևի նահանգում (այժմ՝ Բելառուսում), եղել է «Սիոնի երիտասարդություն» և «ՀեՀալուց» երիտասարդական խմբերի անդամ[1]: Նա որպես հայրենադարձ (ալիա) 1922 թվականին Ենթամանդատային Պաղեստին է եկել [2] և միացել «Գդուդ ՀաԱվոդա»-ին[1]: 1924 թվականին եղել է Քֆար Եհեզկելբնակավայրի հիմնադիրներից մեկը[1]: Նա դարձել է «Աշխատող մայրեր» կազմակերպության անդամ, ինչպես նաև միացել է Մապաի կուսակցությանը: 1937 թվականին մեկնել է Միացյալ Նահանգներ՝ որպես Մապաի կուսակցության և «Հիստադրութ» արհմիության պատվիրակ[1]:
1949 թվականին նա ընտրվել է Մապաի կուսակցության պատգամավոր առաջին գումարման Քնեսետում և հայտնի է դարձել որպես ականավոր ֆեմինիստուհի[3]: Երկու տարի անց կորցրել է իր մանդատն ընտրություններում։ Հետագայում Դրորին աշխատել է ներգաղթյալների կացարանով ապահովման հարցերով[1]:
Ծանոթագրություններ
- ↑ 1,0 1,1 1,2 1,3 1,4 Hasya Drori: Public Activity and Publications Knesset
- ↑ Hasya Drori: Personal Details Knesset
- ↑ Lahav, P (2001) A "Jewish State . . . to Be Known as the State of Israel": Notes on Israeli Legal Historiography Law and History Review, Vol. 19, No. 2
Արտաքին հղումներ
- Հասյա Դրորին Քնեսետի կայքում