Յան Բին (գործարար)
| Յան Բին | |
|---|---|
| Ծնվել է | 1963թ |
| Ծննդավայր | Նանկին, Չինաստան |
| Քաղաքացիություն |  Նիդերլանդների Թագավորություն |
| Մասնագիտություն | ձեռնարկատեր և քաղաքական գործիչ |
| Աշխատանք | գործարար |
Յան Բին, չին-հոլանդացի գործարար է, ով Չինաստանի ամենահարուստ մարդկանց ցուցակում զբաղեցրել է 2-րդ տեղը, ըստ 2001 թվականի Ֆորբս ամսագրի: Նա ժամանակին այգեգործության և անշարժ գույքի ոլորտում ակտիվներ, ինչպես նաև Չինաստանի եվրաասիական գյուղատնտեսական հոլդինգներում և Հոլանդական գյուղերում բաժնետոմսեր ուներ: 2002 թվականին Յան Բինին ձերբակալեցին հարկերից խուսափելու մեղադրանքով։ 2003 թվականին Յան Բինը դատապարտվել է 18 տարվա ազատազրկման։ Յան Բինը բանտից ազատ է արձակվել 2016 թվականի սեպտեմբերի 26-ին:
Կենսագրություն
Յանը ծնվել է Նանկինում, հինգ տարեկանում կորցրել է ծնողներին։ Յան Բինին դաստիարակել են տատիկն ու հարազատները: Նա Չինաստանի ժողովրդական ազատագրական բանակի ռազմածովային ուժերի նախկին սպա էր։ Ավելի ուշ՝ 1987 թվականին, նա արտագաղթել է Նիդեռլանդներ, որտեղ զբաղվել է տեքստիլ բիզնեսով և ստացել Նիդեռլանդների քաղաքացիություն։ 1995 թվականին Յան Բինը վերադարձավ Չինաստան և սկսեց խոլորձներ աճեցնել Շենյանում՝ օգտագործելով այգեգործության ժամանակակից տեխնոլոգիաները, որոնք սովորել էր Նիդեռլանդներում։
2002-ի սեպտեմբերին Հյուսիսային Կորեան Յան Բինին նշանակեց Սինիջու հատուկ վարչական շրջանի նահանգապետ և տնտեսական զարգացման ղեկավար[1]։ Նրա նշանակումից անմիջապես հետո Չինաստանի իշխանությունները նրան վտարեցին տնից և հոկտեմբերի 4-ին տնային կալանքի ենթարկեցին։ Նոյեմբերին նա ձերբակալվել էր հարկերից խուսափելու պաշտոնական մեղադրանքով։ 2003 թվականի հուլիսին Յան Բինը պաշտոնապես դատապարտվեց 18 տարվա ազատազրկման և տուգանվեց 2,3 միլիոն յուանով[2]։ Այս մեղադրանքներից շատերը կապված էին Շենյան հոլանդական արվարձանում 220 հա մակերեսով կառուցապատման նախագծի՝ Հոլանդական գյուղերի կառուցման հետ[2]։ Ծախսերը ներառում էին գյուղատնտեսական նպատակներով ձեռք բերված հողի վրա անշարժ գույքի օբյեկտների կառուցումը[3]։
Ծանոթագրություններ
- ↑ Michael Schuman/Sinuiju (30 September 2002). «The Hermit Kingdom's Bizarre SAR». TIME. Արխիվացված է օրիգինալից October 20, 2002-ին. Վերցված է 2011-06-14-ին.
- ↑ 2,0 2,1 Jonathan Watts (15 July 2003). «Tycoon jailed for 18 years». The Guardian. Վերցված է 2011-06-14-ին.
- ↑ John Gittings (13 June 2003). «China's wealthy orchid king on trial for fraud». The Guardian. Վերցված է 2011-06-29-ին.