Սուրեն Սարումյան
Սուրեն Սարումյան | |
---|---|
Ծնվել է | մարտի 1, 1977 (47 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Քաղաքացիություն | ԽՍՀՄ և Հայաստան |
Կրթություն | Երևանի պետական համալսարան |
Մասնագիտություն | Զինվորական, գրող և լրագրող |
Անդամություն | Արցախի գրողների միություն |
Սուրեն Սլավիկի Սարումյան (մարտի 1, 1977, Երևան, Հայկական ԽՍՀ, ԽՍՀՄ), հայ գրող, արձակագիր, Արցախի գրողների միության անդամ, զինվորական, գնդապետ։
Կենսագրություն[խմբագրել | խմբագրել կոդը]
Սուրեն Սլավիկի Սարումյանը ծնվել է 1977 թվականի մարտի 1-ին Երևան քաղաքում, ծառայողի ընտանիքում։ 1984 թվականին ընտանիքով տեղափոխվել է Արտաշատ քաղաք։ Նույն թվականին ընդունվել է Հովհ. Թումանյանի անվան թիվ 2 միջնակարգ դպրոցը։
1988 թվականին Սարումյանների ընտանիքը վերադարձել է Արցախ և բնակություն հաստատել Ստեփանակերտում։ 1988-1991 թվականներին սովորել է Ստեփանակերտի Խ. Աբովյանի անվան համար 1 դպրոցում։
Արցախյան պատերազմի ժամանակ վիրավորվել է։ Բուժվելու, ապա ուսումը շարունակելու նպատակով տեղափոխվել է Չարենցավան, սովորել Խ. Աբովյանի անվան համար 2 միջնակարգ դպրոցում։ 1993 թվականին գերազանցությամբ ավարտել է դպրոցը և նույն թվականին ընդունվել ԵՊՀ բանասիրական ֆակուլտետի հայոց լեզվի և գրականության բաժինը։ Համալսարանն ավարտելուց հետո՝ 1998 թվականին զորակոչվել է զինվորական ծառայության։ 2001 թվականից ծառայում է Պաշտպանության Բանակի շարքերում։ Ներկայումս ԱՀ պաշտպանության բանակի մամուլի պատասխանատուն է[1]։
Ունի գնդապետի զինվորական կոչում։
ԼՂՀ գրողների միության անդամ է[2]։
Ստեղծագործական գործունեություն[խմբագրել | խմբագրել կոդը]
Սուրեն Սարումյանի ստեղծագործությունները հրապարակվել են «Գրանիշ» և «Անդին» գրական հարթակներում[3]։ «Հուղարկավորություն դերաբաշխումը» պատմվածքը ներառվել է Գրանիշի 2015 թվականի՝ «Տարվա լավագույն պատմվածք» անվանակարգում[2]։
Հրատարակած երկեր[խմբագրել | խմբագրել կոդը]
- «Աբու Բաքր ալ Բաղդադին՝ Շամի Խալիֆ», վեպ, Երևան, Անտարես, 2015
- "Ստվերներով լի քաղաքը", պատվածքների ժողովածու, Երևան, Անտարես, 2017
Ծանոթագրություններ[խմբագրել | խմբագրել կոդը]
- ↑ Սուրեն Սարումյան. «Հակառակորդը շարունակում է խախտել պատերազմի բոլոր չգրված և գրված օրենքները»
- ↑ 2,0 2,1 Սուրեն Սարումյան
- ↑ «Սուրեն Սարումյան | Գրանիշ» (ամերիկյան անգլերեն). Վերցված է 2020 թ․ նոյեմբերի 9-ին.