Սուրբ Մեծն Ներսես եկեղեցի
| Սուրբ Մեծն Ներսես եկեղեցի | |
|---|---|
| Հիմնական տվյալներ | |
| Տեսակ | եկեղեցի |
| Երկիր |  Վրաստան |
| Տեղագրություն | Սաթխա |
| Դավանանք | Հայ Առաքելական Եկեղեցի |
| Հիմնական ամսաթվերը | 19-րդ դար |
| Հիմնադրված | 19-րդ դար |
| 13,95 մետր | |
| Երկարություն | 22,75 մետր |
| Լայնություն | 13,95 մետր |
 | |
 | |
Սուրբ Մեծն Ներսես եկեղեցի[1], Հայ Առաքելական եկեղեցի, գտնվում է Վրաստանի Սամցխե-Ջավախեթի մարզի Նինոծմինդայի մունիցիպալիտետի Սաթխա գյուղում, կառուցվել է 19-րդ դարում։
Սաթխաի Սուրբ Մեծն Ներսես եկեղեցին հիմնադրվել է 1869 թվականին, եկեղեցու կառուցման պաճառ է հանդիսացել այն որ գյուղում բնակչության թվի մեծ աճ կար։
Եկեղեցին ենթարկվել է վերանորոգման 1903 թվականին։ Գմբեթավոր տիպի կառույց է կառուցված անմշակ և սրբատաշ քարերից, ունի նաև զանգակատուն, որը գտնվում է մուտքի վերևի մասում։ Եկեղեցու չափսերն են (22.75 x 13.95) մետր։
Եկեղեցու հոգևոր կազմը եղել է Ստեփանոս քհն. Տեր-Ստեփանոսյանը և Գրիգոր Տեր-Գևորգյանը։
1994 թվականին եկեղեցին վերանորոգվել է, Սաթխա գյուղի բնակիչ Արտյուշ Սանոսյանի կողմից կազմակերպված հանգանակությամբ, որի ընթացքում վերանորոգվոլ է եկեղեցու տանիքը և գմբեթ։
Վերանորոգման աշխատանքների ժամանակ, եկեղեցու դռան շեմի տակ հայտնաբերվել է մի արձանագրություն, որը վերաբերվում էր գյուղի հյուսիս-արևելյան կողմում գտնվող 7 բլուրների վրա կառուցված ամրոցի հիմնադրմանը, ըստ այդ արձանագրության ամրոցը հիմնադրվել է 1658 թվականին։
Ավելի ուշ եկեղեցին հիմնանորոգվում է, Մկոյան և Սանոսյան ընտանիքների բարերարությամբ։
2002 թվականի դեկտեմբերի 15-ին եկեղեցին վերաօծվում է, ձեռամբ Շիրակի թեմի առաջնորդ Գերաշնորհ Տ. Միքայել եպիսկոպոս Աջապահյանի և մասնակցությամբ Վիրահայոց թեմի առաջնորդ Տ. Վազգեն եպիսկոպոս Միրզախանյանի։
Ծանոթագրություններ[խմբագրել | խմբագրել կոդը]
- ↑ Aleks_El_Dia. «ՍԱԹԽԱ - ՍՈՒՐԲ ՄԵԾՆ ՆԵՐՍԵՍ ԵԿԵՂԵՑԻ». armenianchurch.ge. Վերցված է 2021 թ․ օգոստոսի 1-ին.
{{cite web}}: Missing|author1=(օգնություն)