Սուրբ Հարություն եկեղեցի (Խարկով)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Սուրբ Հարություն եկեղեցի (այլ կիրառումներ)
Տաճարի համայնապատկերը

Սուրբ Հարություն եկեղեցի (ուկր.՝ Вірме́нська це́рква Сурб Арутю́на у Ха́ркові), Հայ առաքելական եկեղեցու տաճար Ուկրաինայի Խարկով քաղաքում։ Գտնվում է «Կիևսկայա» մետրոյի կայարանի մոտ։ Ճարտարապետը՝ կառուցման պահին Խարկովի գլխավոր ճարտարապետ Պավել Չեչելնիցկի։ Օծված է 2004 թվականի օգոստոսի 24-ին։

Պատմություն[խմբագրել | խմբագրել կոդը]

Խարկովում առաջին հայ քահանան եկել սկսել է գործել 1870 թվականին։ Հայկական աղոթքատունը XX դարի սկզբին գտնվում էր Դմիտրևսկի փողոցի վրա։ 1902 թվականին տեղափոխվել է Ինստրումենտալնի նրբանցք, Խարկովի համալսարանի պրիվատ-դոցենտ Ռիխտերի տուն։ Այս տանն էլ ապրում էր քահանան, Սրապիոն Սամուելյան Տեր-Խաչատուրյանը։ 1910 թվականին հայկական եկեղեցին նորից փոխեց հասցեն, տեղափոխվելով Գ. Դավթյանցի տուն։

Սովետական իշխանության առաջին տարիներին հայկական կրոնական համայնքը շարունակում էր իր գործունեությունը։ 1925 թվականի օգոստոսի 3-ին գրանցվեց «Հայկական քարոզչական քրիստոնեական կրոնական ընկերությունը», որը ստեղծվեց Սուրբ Գրիքոր եկեղեցու ներքո։ Այս եկեղեցու շենքը քանդվեց Երկրորդ համաշխարհային պատերազմի տարիներին։

Նորագույն ժամանակներում նոր հայկական եկեղեցին կառուցվել է Շևչենկոյի փողոցում։ Եկեղեցու հարևանությամբ կառուցվում է հայկական մշակույթի կենտրոնը։ Շինարարության ընթացքում Սուրբ Հարություն եկեղեցում անցկացվում են հայերեն լեզվի, հայաստանի պատմության և պարերի դասընթացներ։