Սուրբ Կարապետ եկեղեցի (Եկատերինբուրգ)
| Սուրբ Կարապետ եկեղեցի | |
|---|---|
 | |
| Հիմնական տվյալներ | |
| Տեսակ | եկեղեցի |
| Երկիր |  Ռուսաստան |
| Տեղագրություն | Եկատերինբուրգ |
| Դավանանք | Հայ Առաքելական Եկեղեցի |
| Թեմ | Ռուսաստանի և Նոր Նախիջևանի թեմ |
| Նվիրված | Հովհաննես Մկրտիչ |
| Անվանված | Հովհաննես Մկրտիչ |
| Ճարտարապետական ոճ | հայկական ճարտարապետություն |
 | |
 | |
| 56°49′15″N 60°37′04″E / 56.820972222222°N 60.617638888889°E | |
 Armenian Church of St. Karapet, Yekaterinburg Վիքիպահեստում | |
Անվան այլ կիրառումների համար տե՛ս՝ Սուրբ Կարապետ եկեղեցի (այլ կիրառումներ)
Սուրբ Կարապետ եկեղեցի, Եկատերինբուրգ քաղաքում գտնվող կրոնական կառույց։ Պատկանում է Մայր Աթոռ Սուրբ Էջմիածնի Ռուսաստանի և Նոր Նախիջևանի հայոց թեմին, գտնվում է Ռուսաստանի Սվերդլովսկի մարզում։ Համակարգում է Եկատերինբուրգում բնակվող առաքելական ռուսահայության հոգևոր կյանքը։ Գտնվում է Տվերիտինա փողոց 54-ում։ Ուրալի դաշնային շրջանի հայկական առաջին եկեղեցին է[1]։
Եկեղեցու կառուցումն սկսվել է 2005 թվականին, նախատեսվում էր աշխատանքներն ավարտել 2006 թվականի վերջին (այդ թվականին Ռուսաստանում հայտարարվել էր Հայաստանի տարին[2]), սակայն շինարարությունը ձգձգվել է, և եկեղեցու կառուցումն ավարտվել, ու այն օծվել է միայն 2013 թվականի հոկտեմբերի 14-ին[3]։ Եկեղեցու կառուցումը վերահսկել է Սվերդլովսկի մարզի նահանգապետ Էդուարդ Ռոսսելը[2]։
Պատմություն
[խմբագրել | խմբագրել կոդը]Սվերդլովսկի մարզում ապրում է մոտ քսան հազար հայ[4], այդ պատճառով էլ եկեղեցու կառուցումը համայնքի համար գերակա խնդիր էր։
Սվերդլովսկի մարզի նահանգապետը Հայաստան կատարած այցի ընթացքում հանդիպել է Ամենայն Հայոց Կաթողիկոս Գարեգին Բ-ի հետ և կաթողիկոսին հրավիրել Սվերդլովսկի մարզ ու մասնակցել հայկական եկեղեցու օծմանը[5]։
Սուրբ Էջմիածնի համաձայնությամբ որոշվել է եկեղեցին օծել ի պատիվ սուրբ Հովհաննես Մկրտչի (սուրբ Կարապետի)։ Առաջին քարի հանդիսավոր տեղադրմանը ներկա է եղել Նոր Նախիջևանի և Հայաստանյայց Առաքելական Սուրբ Եկեղեցու Ռուսական թեմի առաջնորդ Եզրաս արքեպիսկոպոս Ներսիսյանը[6]։
Ճարտարապետական ոճ
[խմբագրել | խմբագրել կոդը]Քանի որ Ուրալի խիստ կլիմային հարավային քարը չէր դիմանա, որոշվել է Հայաստանից տարված տուֆով միայն եկեղեցին երեսապատել։ Սուրբ Կարապետ եկեղեցին կառուցվել է 5-7-րդ դարերի հայկական ավանդական ոճով՝ օգտագործվելով ավելի ուշ շրջանի զարդանկարներ։ Եկեղեցու մակերեսը 15×25 մետր է, բարձրությունը՝ 33 մետր։ Եկեղեցու ծրագրում ընդգրկված է եղել 200 մարդ[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 Церковь «Сурб Карапет»
- ↑ 2,0 2,1 В Екатеринбурге будет построена армянская церковь
- ↑ В Екатеринбурге освящен храм Армянской апостольской церкви
- ↑ «Община Урала». Региональная общественная организация «Армянская община «Ани-Армения». Արխիվացված օրիգինալից 2012 թ․ հուլիսի 2-ին. Վերցված է 2010 թ․ հոկտեմբերի 31-ին.
- ↑ Армянская церковь будет построена в Екатеринбурге
- ↑ «Сурб Карапет». Արխիվացված է օրիգինալից 2019 թ․ հունիսի 13-ին. Վերցված է 2019 թ․ փետրվարի 22-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Սուրբ Կարապետ եկեղեցի (Եկատերինբուրգ)» հոդվածին։ |
