Սուրբ Աստվածածին եկեղեցի (Մեծ Շուլավեր)
| Սուրբ Աստվածածին եկեղեցի | |
|---|---|
| Հիմնական տվյալներ | |
| Տեսակ | եկեղեցի |
| Երկիր |  Վրաստան |
| Տեղագրություն | Բուրմա (Մառնեուլի շրջան) |
| Դավանանք | Հայ Առաքելական Եկեղեցի |
| Օծման թվական | 2013 |
| Հիմնական ամսաթվերը | 19-րդ դար |
| Ճարտարապետական ոճ | հայկական ճարտարապետություն |
| Հիմնադրված | 19-րդ դար |
| 11 մետր | |
| Երկարություն | 1830 մետր |
| Լայնություն | 11 մետր |
Անվան այլ կիրառումների համար տե՛ս՝ Սուրբ Աստվածածին եկեղեցի (այլ կիրառումներ)
Սուրբ Աստվածածին եկեղեցի[1], Հայ Առաքելական Սուրբ Եկեղեցի, գտնվում է Վրաստանի Քվեմո Քարթլիի մարզի, Մառնեուլի շրջանի, Մեծ Շուլավեր գյուղի Զագամեցոց կոչված թաղում, կառուցվել է 19-րդ դարում։
Սուրբ Աստվածածին եկեղեցու հիմնադրման մասին ստույգ տվյալներ առկա չեն, սակայն որոշ տվյալների ուսումնասիրությունից պարզ է դառնում, որ այն կառուցվել է 19-րդ դարի առաջին կեսին։
Համանուն եկեղեցու տեղում եղել է միջնադարյան հայկական կիսավեր եկեղեցի։
1841-1842 թվականներին արդեն իսկ պատրաստ էր նոր եկեղեցու կառուցման հատակագիծը, իսկ 1844 թվականին թեմի առաջնորդ Սարգիս արքեպսսկոպոս Ջալալյանցի ձեռամբ կատարվեց հիմնօրհնեքը։
Եկեղեցին բազում անգամներ վերանորոգվել է․ 1862-1864 թվականներին եկեղեցին հիմնանորոգվել է, որի մասին կան արձանագրություններ, եկեղեցու մուտքի բարավորին։
1879 թվականին վտանգված էր եկեղեցուն կից զանգակատունը, որը վերակառուցվեց մինչև 1887 թվականը ընկած ժամանակահատվածում։
19-րդ ից 20-րդ դարերի ընթացքում նույնպես իրականացվել են վերանորոգման աշխատանքները, մասնավորապես՝ 1916 թվականին վերանորոգվել է եկեղեցու տանիք և պատերը։
Խորհրդային անաստվածության տարիներին եկեղեցին գործել է մինչև 1920-ական թվականները, որից հետո փակվել է և վերածվել է պահեստի։
1989-1990-ական թվականներին գյուղի հայաբնակների կողմից եկեղեցին վերանորոգվել է, իսկ 1998 թվականին թամի առաջնորդ Գևորգ արքեպսսկոպոս Սերայդարյանը եկեղեցուն ծառայող է նշանակել Վահան Ասլամազյանին։
Եկեղեցին կառուցաված է անմշակ քարերով, կամարակապ և եռասյուն կառույց է։ Սյուները և կամարները սրբատաշ քարից են։ Եկեղեցին ունի երկու մուտք մեկը հյուսիսից, մյուսը արևմուտքից, եկեղեցու չափսերն են (18,30 x 11,00) մետր։ Եկեղեցուն կից արևմտյան կողմում զանգակատունն է։
Եկեղեցու հոգևոոր կազմը եղել է՝ Մովսես քհն. Տեր-Գրիգորյանը, Պողոս ավագ քհն. Իսահակյանը, Հովհաննես քհն. Մարտիրոսյանը, Իսահակ քհն. Ավետիսյանը, Մկրտիչ քհն. Տեր-Եղիազարյանցը։
2013 թվականի դեկտեմբերի 21-ին եկեղեցին վերաօծվեց ձեռամբ Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի և մասնակցությամբ Սամցխե-Ջավախքի և Ծալկայի ընդհանուր առաջնորդական փոխանորդ Տեր Բաբգէն վարդապետ Սալբիյանի և հոգևոր դասի ներկայացուցիչների։
Ծանոթագրություններ[խմբագրել | խմբագրել կոդը]
- ↑ Aleks_El_Dia. «ՇԱՀՈՒՄՅԱՆ, ՄԵԾ ՇՈՒԼԱՎԵՐ - ՍՈՒՐԲ ԱՍՏՎԱԾԱԾԻՆ ԵԿԵՂԵՑԻ». armenianchurch.ge. Վերցված է 2021 թ․ հուլիսի 26-ին.
{{cite web}}: Missing|author1=(օգնություն)