Սուրբ Աստվածածին եկեղեցի (Խոյլու)
Անվան այլ կիրառումների համար տե՛ս՝ Սուրբ Աստվածածին եկեղեցի (այլ կիրառումներ)
| Սուրբ Աստվածածին եկեղեցի | |
|---|---|
| Հիմնական տվյալներ | |
| Տեսակ | եկեղեցի |
| Երկիր |  Ադրբեջան |
| Տեղագրություն | գ. Խոյլու (en), Գորանբոյի շրջան, Ադրբեջան |
| Ներկա վիճակ | անհայտ |
| Ճարտարապետական ոճ | Հայկական |
 | |
 | |
Սուրբ Աստվածածին եկեղեցի, հայկական եկեղեցի ներկայիս Ադրբեջանական Հանրապետության Գորանբոյի շրջանի (նախկին Կասում Իսմայիլովի շրջանի) Խոյլու (en) գյուղում։
Պատմություն[խմբագրել | խմբագրել կոդը]
Մինչև 1850-ական թթ. սկզբները գյուղը եկեղեցի չի ունեցել, և ծիսական արարողությունները կատարվում էին Ղարադաղլուի եկեղեցում, կամ էլ քահանա էր հրավիրվում հարևան գյուղերից[1]։
1861 թ. մի վավերագրում արդեն հիշվում է Սբ. Աստվածածին անվամբ եկեղեցին։ Այստեղից հետևում է, որ այն կառուցվել է 1850-ական թթ. 2-րդ կեսին[2]։
1905 թ. նոյեմբերին թուրք խուժանը հրդեհում է գյուղը, կողոպտում ու ավերում եկեղեցին։ Հետագայում, երբ իրավիճակը խաղաղվում է, բնակիչները վերադառնում են գյուղ, նորոգում եկեղեցին[3]։
Գանձակի հոգևոր վարչությունը 1911 թ. եկեղեցական գրքեր է տրամադրել նաև Սբ. Աստվածածին եկեղեցուն[4]։ 1935 թ-ից եկեղեցին օգտագործվել է որպես գրասենյակ[1]։ 1980-ական թթ. սկզբներին այն արդեն կիսավեր էր[1]։
Նորոգություն[խմբագրել | խմբագրել կոդը]
Արդեն 1886 թ. հարց էր բարձրանում «մթին, անշուք և խարխուլ» եկեղեցու նորոգության վերաբերյալ[5]։ 1914 թ. Սբ. Աստվածածին եկեղեցին հերթական նորոգության ենթարկվելուց հետո օծել է թեմի առաջնորդ Լևոն եպիսկոպոսը[6]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Սամվել Կարապետյան, Հյուսիսային Արցախ, Երևան, 2004, էջ 425
- ↑ Հայաստանի ազգային արխիվ, ֆ. 53, ց. 1, գ. 3835, թ. 147-148
- ↑ Հայաստանի ազգային արխիվ, ֆ. 53, ց. 1, գ. 3764, թ. 278
- ↑ «Արարատ», 1911, էջ 522
- ↑ «Արձագանք», 1886, N 19, էջ 280
- ↑ Հայաստանի ազգային արխիվ, ֆ. 409, ց. 1, գ. 2644, թ. 22