Սիրանուշ Կուլյան
| Սիրանուշ Կուլյան | |
|---|---|
 | |
| Ծնվել է | դեկտեմբերի 25, 1913 |
| Ծննդավայր | Վերխնեարմյանսկոյե Լոո, Սոչիի քաղաքային օկրուգ, Կրասնոդարի երկրամաս, ՌԽՖՍՀ |
| Մահացել է | սեպտեմբերի 10, 1985 (71 տարեկան) |
| Քաղաքացիություն |  Ռուսական կայսրություն և  ԽՍՀՄ |
| Պարգևներ և մրցանակներ |  և  |
Սիրանուշ Հովհաննեսի Կուլյան (դեկտեմբերի 25, 1913, Վերխնեարմյանսկոյե Լոո, Սոչիի քաղաքային օկրուգ, Կրասնոդարի երկրամաս, ՌԽՖՍՀ - սեպտեմբերի 10, 1985), խորհրդային գյուղատնտեսության առաջավոր, Կրասնոդարի երկրամասի Սոչի քաղաքի, Լազարևսկի թիվ 4 պետական տնտեսության օղակավարուհի, Սոցիալիստական աշխատանքի հերոս (1966)[1]։
Կենսագրություն[խմբագրել | խմբագրել կոդը]
Սիրանուշ Կուլյանը ծնվել է 1913 թվականի դեկտեմբերի 25-ին, Կրասնոդարի երկրամասի Լազարևսկի շրջանի Վերխնեարմյանսկոյե Լոո գյուղում, հայ գյուղացու ընտանիքում։ Ավարտել է դպրոցի վեցերորդ դասարանը։ 1948 թվականին ընդունվել է ԽՄԿԿ (բ) անդամ։ 1929 թվականից սկսել է աշխատել որպես Վերխնյայա Բերանդա և Վերխնի Բուու գյուղերի մանկապարտեզների վարիչ։ 1934-1941 թվականներին աշխատել է Ա. Ֆ. Մյասնիկյանի անվան կոլտնտեսության թեյի պլանտացիաներում։ 1941-1943 թվականներին եղել է կոլտնտեսության հաշվապահ, 1943-1945 թվականներին՝ բրիգադիր, որոշ ժամանակ փոխարինել է նախագահին։ 1945-1968 թվականներին աշխատել է որպես թեյագործական կոլտնտեսության օղակավարուհի։ Աշխատանքում մշտապես ապահովել է բարձր արդյունքներ։ ԽՍՀՄ Գերագույն խորհրդի նախագահության 1966 թվականի ապրիլի 30-ի հրամանագրով գյուղատնտեսության ոլորտում բարձր արդյունքների հասնելու և բերքահավաքի ռեկորդային ցուցանիշներ ապահովելու համար Սիրանուշ Հովհաննեսի Կուլյանին շնորհվել է Սոցիալիստական աշխատանքի հերոսի կոչում` նրան հանձնելով Լենինի շքանշան ու «Մուրճ և մանգաղ» ոսկե մեդալ։
Ընտրվել է ԽՄԿԿ Լազարևսկի շրջանային կոմիտեի անդամ, Լազարևսկի շրջանային խորհրդի և Սոչիի քաղաքային խորհրդի պատգամավոր։ Ապրել է Վերխնայա Բերանդա գյուղում։ Մահացել է 1985 թվականի սեպտեմբերի 10-ին։
Պարգևներ[խմբագրել | խմբագրել կոդը]
Աշխատանքային հաջողությունների համար նրան շնորհվել են՝
- «Մուրճ և մանգաղ» ոսկե մեդալ (04/30/1966),
- Լենինի շքանշան (04/30/1966),
- Այլ մեդալներ։
Գրականություն[խմբագրել | խմբագրել կոդը]
- Их труд - подвиг: Очерки о Героях Труда. - Краснодар, 1969.