Սերը պետք է բոլորին
 | |
|---|---|
| Երկիր |  ԽՍՀՄ |
| Ժանր | կինոկատակերգություն |
| Թվական | 1980 |
| Լեզու | վրացերեն |
| Ռեժիսոր | Միխեիլ Ճիաուրելի Գեորգի Շենգելայա |
| Սցենարի հեղինակ | Լեյլա Բերոշվիլի Միխեիլ Ճիաուրելի |
| Դերակատարներ | Դարեջան Խաչիձե Գիվի Բերիքաշվիլի Վախթանգ Պանչուլիձե |
| Օպերատոր | Ջիմշեր Քրիստեսաշվիլի Նիկոլոս Սուխիշվիլի |
| Երաժշտություն | Իոսիֆ Բարդանաշվիլի |
| Նկարիչներ | Գեորգի Միքելաձե |
| Կինոընկերություն | Վրացֆիլմ |
| Տևողություն | 87 րոպե |
Սերը պետք է բոլորին (վրաց.՝ სიყვარული ყველას უნდა), 1980 թվականին «Վրացֆիլմ» կինոստուդիայում նկարահանված գեղարվեստական ֆիլմ, քնարական երաժշտական կատակերգություն։ Ռեժիսորներ Միխեիլ Ճիաուրելիի ու Գեորգի Շենգելայայի համատեղ աշխատանքն է։ Ֆիլմի սցենարը գրել է Միխեիլ Ճիաուրելին Լեյլա Բերոշվիլիի հետ համատեղ։ Ֆիլմի երաժշտությունը գրել է Իոսիֆ Բարդանաշվիլին[1]։
Սյուժե
[խմբագրել | խմբագրել կոդը]Այս քնարական կատակերգությունը պատմում է Վրաստանի գյուղերից մեկում տեղի ունեցած մի դեպք և ցույց տալիս երկրի հասարակ ու բարեհոգի մարդկանց կյանքը։
Ֆիլմի գլխավոր հերոսուհին՝ Մաղվալան, ավարտել է կարի տեխնիկումը։ Նա վերադառնում է հայրենի գյուղ, որպեսզի հնարավորինս փոխի նրա առօրյան։ Մաղվալան կարծում է, որ նույնիսկ հեռավոր գյուղի բնակիչները պիտի հագնվեն ժամանակակից նորաձևությանը համապատասխան։ Իր խանդավառ բնավորության շնորհիվ Մաղվալային հաջողվում է հասնել նրան, որ բարձրալեռնային գյուղում կառուցում են նորաձևության սրահ ու հագուստի արհեստանոց։ Այս իրադարձությունն աշխուժացնում է գյուղի՝ մինչ այդ միօրինակ կյանքը։ Վարորդ Դավիթ Բուրնուտը սիրահարվում է Մաղվալային, սակայն իր մեջ համարձակություն չգտնելով խոստովանելու աղջկան իր զգացմունքների մասին, դառնում է ինքնամփոփ ու մելամաղձոտ։ Դավթի ընկերները փորձում են փախցնել աղջկան, սակայն դա նրանց չի հաջողվում։ Դրանից հետո Դավիթը որոշում է որպես հովիվ մեկնել սարը, սակայն Մաղվալան կարողանում է հետ կանգնեցնել նրան այդ մտքից և խոստովանում է, որ սիրում է նրան։
Դերերում
[խմբագրել | խմբագրել կոդը]- Դարեջան Խաչիձե – Մաղվալա
- Գիվի Բերիքաշվիլի – կոլխոզի նախագահ'
- Վախթանգ Պանչուլիձե – Դավիթ Բուրնուտ
- Կախի Կավսաձե – Կոլա
- Բերտա Խապավա – Անիկո
- Լաուրա Ռեխվիաշվիլի – Բաբուլա
- Ամիրան Կադեյշվիլի – Խիրխալա
- Ցիալա Գուրգենիձե – Քեթո
- Յուրի Վասաձե – Միխակո
- Ամիրան Ամիրանաշվիլի – Բացրո
- Խաթունա Սոնգուլաշվիլի – Մամլուցա
- Իրինա Իրեմաշվիլի – Կուդչրելա
- Գոգի Պիրիաշվիլի – Սիկա
- Ջիմի Լոմիձե – գյուղացի
Նկարահանող անձնակազմ
[խմբագրել | խմբագրել կոդը]- Սցենարի հեղինակներ՝
- Լեյլա Բերոշվիլի
- Միխեիլ Ճիաուրելի
- Բեմադրող ռեժիսորներ՝
- Միխեիլ Ճիաուրելի
- Գեորգի Շենգելայա
- Բեմադրող օպերատորներ՝
- Բեմադրող նկարիչ՝ Գեորգի Միքելաձե
- Կոմպոզիտոր՝ Իոսիֆ Բարդանաշվիլի
- Հնչյունային ռեժիսոր՝ Գուրամ Շուբլաձե
Ծանոթագրություններ
[խմբագրել | խմբագրել կոդը]- ↑ ДЕВУШКА СО ШВЕЙНОЙ МАШИНКОЙ (1980) – kino-teatr.ru
Արտաքին հղումներ
[խմբագրել | խմբագրել կոդը]- «Սերը պետք է բոլորին» Արխիվացված 2016-03-07 Wayback Machine ֆիլմը russiancinema.ru կայքում (ռուս.)
- «Սերը պետք է բոլորին» Արխիվացված 2016-03-04 Wayback Machine ֆիլմը Наше кино կայքում (ռուս.)
- «Սերը պետք է բոլորին» Արխիվացված 2007-03-13 Wayback Machine Медиатека կայքում (ռուս.)
- «Սերը պետք է բոլորին» ֆիլմը Internet Movie Database կայքում
|
