Սերգեյ Սամսոնով
Սերգեյ Սամսոնով | |
|---|---|
| Ծնվել է | դեկտեմբերի 12, 1980 (43 տարեկան) |
| Ծննդավայր | Պոդոլսկ, Մոսկվայի մարզ, ՌԽՖՍՀ, ԽՍՀՄ[1] |
| Մասնագիտություն | արձակագիր, գրող և երգերի հեղինակ |
| Լեզու | ռուսերեն |
| Քաղաքացիություն |  ԽՍՀՄ և  Ռուսաստան |
| Կրթություն | Մաքսիմ Գորկու անվան գրականության ինստիտուտ (2003) |
| Պարգևներ | |
Սերգեյ Անատոլևիչ Սամսոնով (ռուս.՝ Сергей Анатольевич Самсонов, դեկտեմբերի 12, 1980, Պոդոլսկ, Մոսկվայի մարզ, ՌԽՖՍՀ, ԽՍՀՄ[1]), ռուս արձակագիր։ «Յասնայա Պոլյանա» գրական մրցանակի դափնեկիր (2019), «Զնամյա» և «Օկտյաբր» ամսագրերի մրցանակների դափնեկիր, «Ազգային բեսթսելլեր» (2009) և «Մեծ գիրք» (2017) գրական մրցանակների եզրափակիչի մասնակից։
Կենսագրություն
[խմբագրել | խմբագրել կոդը]Սերգեյ Սամսոնովը ծնվել է 1980 թվականի դեկտեմբերի 12-ին, Մոսկվայի մարզի Պոդոլսկ քաղաքում։ Դպրոցն ավարտելուց հետո ընդունվել և 2003 թվականին հաջողությամբ ավարտել է Մաքսիմ Գորկու անվան գրականության ինստիտուտը[2]։ Աշխատել է Մոսկվայի քաղաքային հրատարակչություններից մեկում որպես գովազդային և ներկայացուցչական տեքստեր գրելու մասնագետ` միաժամանակ ակտիվորեն զբաղվելով գրական գործունեությամբ։ Նրա աշխատանքները լայնորեն տարածվել են ընթերցողների շրջանում և գրականագետները բարձր են գնահատել Սամսոնովի ստեղծագործությունները։ 2007 թվականին Սանկտ Պետերբուրգում հրատարակվել է Սամսոնով առաջին գիրքը` «Ոտքերը» վեպը, որը ռուս հանճարեղ ֆուտբոլիստ Սեմյոն Շուվալովի մասին է, ով փորձում էր խաղալ Եվրոպայի լավագույն ֆուտբոլային ակումբներից մեկում` «Բարսելոնայում»[3]։
2008 թվականին «Էքսմո» հրատարակչությունում հրատարակվել է Սամսոնովի երկրորդ ստեղծագործությունը` «Կամլաևի անոմալիան» վեպը։ Վեպը կենսագրական է, որտեղ պատկերված է կոմպոզիտոր Մատվեյ Կամլաևի կյանքը։ Այդ գրական ստեղծագործությունը 2009 թվականին ընդգրկվել է «Ազգային բեսթսելլեր» գրական մրցանակի կարճ ցուցակում և դարձել եզրափակիչ փուլի մասնակից[4]։
Սերգեյ Սամսոնովն իր ստեղծագործությունները գրում է տարբեր թեմաներով։ «Թթվածնային սահման» գիրքը պատմում է մայրաքաղաքի առևտրային կենտրոնում տեղի ունեցած սարսափելի ողբերգության մասին. տեղի ունեցած պայթյունի հետևանքով շատ մարդիկ են զոհվում։ Քննադատների կարծիքով գրողը ներթափանցող ու խորհրդավոր կերպով է ներկայացնում իր հերոսների պատմությունը։ Նա պատմում է իշխանության գաղտնիքների մասին և նկարագրում մի սիրո պատմություն[5]։
2016 թվականին լույս տեսած Հայրենական մեծ պատերազմի մասին է «Բազեի սահմանը» վեպը, որը պատմում է միմյանց հետ պատերազմող երկու օդաչուների օդային մարտի մասին։ Վեպն ընդգրկվել է 2017 թվականի «Մեծ գիրք» գրական մրցանակի երկար ցուցակում և դարձել եզրափակիչ փուլի մասնակից[6]։
2019 թվականի հոկտեմբերի 15-ին ժամանակակից ռուսական արձակ անվանակարգում «Հողից կառչել» վեպի համար Սերգեյ Սամսոնովն արժանացել է «Յասնայա Պոլյանա» մրցանակի։ Այդ աշխատությունը շոշափում է Դոնբասում զինված հակամարտության թեման[7]։
Սերգեյ Սամսոնովը բնակվում է Մոսկվայում։
Մատենագիտություն
[խմբագրել | խմբագրել կոդը]Գրքեր
- Сергей Самсонов «Ноги» (2007),
- Сергей Самсонов «Аномалия Камлаева» (2008),
- Сергей Самсонов «Кислородный предел» (2009),
- Сергей Самсонов «Проводник электричества» (2011),
- Сергей Самсонов «Железная кость»,
- Сергей Самсонов «Соколиный рубеж» (2016)[8],
- Сергей Самсонов «Держаться за землю» (2018)[9].
Պարգևներ և մրցանակներ
[խմբագրել | խմբագրել կոդը]- 2009 - «Ազգային բեսթսելեր» գրական մրցանակի եզրափակիչ փուլի մասնակից «Կամլաևի անոմալիա» վեպի համար,
- 2017 - «Մեծ գիրք» գրական մրցանակի եզրափակիչ փուլի մասնակից «Բազեի սահմանը» վեպի համար,
- 2019 - Յասնայա Պոլյանա գրական մրցանակի դափնեկիր «Հողից կառչել» վեպի համար,
- 2019 - Մեծ գիրք գրական մրցանակի երկար ցուցակ «Երկիրը պահելը» վեպի համար,
- «Զնամյա» և «Օկտյաբր» ամսագրերի մրցանակների դափնեկիր,
- Դեբյուտ մրցանակի դափնեկիր։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Չեխիայի ազգային գրադարանի կատալոգ
- ↑ «Сергей Самсонов - биография, список книг, отзывы читателей - Readly.ru». readly.ru. Վերցված է 2021 թ․ փետրվարի 22-ին.
- ↑ «Интервью с писателем Сергеем Самсоновым». KYKY.ORG (ռուսերեն). Վերցված է 2021 թ․ փետրվարի 22-ին.
- ↑ «Афиша Воздух: Человек играющий – Архив». Афиша. Վերցված է 2021 թ․ փետրվարի 22-ին.
- ↑ «Писатель Сергей Самсонов: краткая биография, книги». autogear.ru (ռուսերեն). Վերցված է 2021 թ․ փետրվարի 22-ին.
- ↑ «Сергей Самсонов: Литература в наши дни - это сохранение дара речи». Российская газета (ռուսերեն). Վերցված է 2021 թ․ փետրվարի 22-ին.
- ↑ «Писатель Сергей Самсонов: «Мы производим слишком много мусора и слишком мало смысла»». portal-kultura.ru (ռուսերեն). Վերցված է 2021 թ․ փետրվարի 22-ին.
- ↑ «Национальная литературная премия «Большая книга»: Итоги». www.bigbook.ru. Վերցված է 2021 թ․ փետրվարի 22-ին.
- ↑ «Национальная литературная премия «Большая книга»: Итоги». www.bigbook.ru. Վերցված է 2021 թ․ փետրվարի 22-ին.
Արտաքին հղումներ
[խմբագրել | խմբագրել կոդը]- Դեկտեմբերի 12 ծնունդներ
- 1980 ծնունդներ
- Ապրող անձինք
- Մաքսիմ Գորկու անվան գրականության ինստիտուտի շրջանավարտներ
- «Մեծ գիրք» մրցանակի դափնեկիրներ
- Անձինք այբբենական կարգով
- Գրողներ այբբենական կարգով
- «Յասնայա Պոլյանա» մրցանակի դափնեկիրներ
- «Դեբյուտ» մրցանակի դափնեկիրներ
- Խորհրդային գրողներ
- Ռուս գրողներ
- Ռուս արձակագիրներ