Սերգեյ Կոժանն իր երիտասարդական կարիերան անցկացրել է «Սկոնտոյում»։ Պրոֆեսիոնալ կարիերան սկսել է 2005 թվականին Ռիգայի «Սկոնտո» ակումբում, որտեղ հանդես է եկել չորս մրցաշրջան՝ մասնակցելով 51 խաղի և խփելով հինգ գոլ։ 2009 թվականին իր թիմակից Իվան Լուկյանովի հետ տեղափոխվել է լեհական «Լեխիա» (Գդանսկ) ակումբ[4]։ «Լեխիայի» կազմում անցկացրած առաջին մրցաշրջանում մասնակցել է 18 խաղի և խփել մեկ գոլ։ Ընդհանուր առմամբ նա անցկացրել է երեք մրցաշրջան Էքստրալիգայում՝ մասնակցելով 42 խաղի և խփելով մեկ գոլ։ 2012 թվականի մայիսի 24-ին հայտարարվել է, որ Կոժանը հեռացել է ակումբից[5]։ Նա դարձել է ազատ գործակալ և 2012 թվականի հոկտեմբերի 13-ին տեղափոխվել բելառուսական «Շախտյոր» (Սոլիգորսկ) ակումբ՝ կնքելով պայմանագիր մինչև մրցաշրջանի ավարտը։ 2012 թվականին «Շախտյորը» դարձել է Բելառուսի փոխչեմպիոն[6]։ 2013 թվականի մարտին Կոժանը միացել է բելառուսական մեկ այլ ակումբի՝ «Սլավիա Մոզիրին»։ Նա մասնակցել է ակումբի հինգ խաղերին առաջնությունում, ինչից հետո հեռացել է անձնական պատճառներով։ 2013 թվականի օգոստոսին Սերգեյ Կոժանը վերադարձել է «Սկոնտո»[7]։ 2014 թվականի օգոստոսին հեռացել է Ռիգայի ակումբից ֆինանսական դժվարությունների և աշխատավարձը չվճարման պատճառով։ 2014 թվականի օգոստոսի 7-ին հայտարարվել է, որ Կոժանը տեղափոխվել է լեհական «Տիխի» ակումբ[8]։ Հետագայում նա հանդես է եկել լիտվական «Շյաուլյայ», լեհական «Բիտովիա», լատվիական «Սպարտակ» (Յուրմալա) և «Ռիգա» ակումբներում։
Լատվիա
