Սեյրան Մկրտչյան
 | |
|---|---|
 | |
| Ծնվել է | հուլիսի 24, 1962 |
| Ծննդավայր | Գորիս, Հայկական ԽՍՀ, ԽՍՀՄ |
| Մահացել է | նոյեմբերի 30, 2020 (58 տարեկան) |
| Մահվան վայր | Գորիս, Սյունիքի մարզ, Հայաստան |
| Կրթություն | Գորիսի թիվ 2 հիմնական դպրոց |
| Քաղաքացիություն |  Հայաստան |
| Մասնագիտություն | դերասան |
| Պարգևներ և մրցանակներ | |
Սեյրան Նապոլեոնի Մկրտչյան (հուլիսի 24, 1962, Գորիս, Հայկական ԽՍՀ, ԽՍՀՄ - նոյեմբերի 30, 2020, Գորիս, Սյունիքի մարզ, Հայաստան), հայ դերասան։
Կենսագրություն[խմբագրել | խմբագրել կոդը]
Սեյրան Մկրտչյանը ծնվել է 1962 թվականի հուլիսի 24-ին՝ Գորիս քաղաքում։ Հայրը՝ գրող և դերասան Նապոլեոն Մկրտչյանն է (1935) մայրը՝ Թերեզա Խանզադյանը (1942)։ Սեյրան Մկրտչյանն իր միջնակարգ կրթությունը ստացել է Գորիսի թիվ 2 դպրոցում։ Այնուհետև 1981 թվականին ընդունվել է Խաչատուր Աբովյանի անվան մանկավարժական համալսարանի Գորիսի մասնաճյուղի մաթեմատիկայի ֆակուլտետում:1985 թվականին նշանակվել է Կապանի շրջանի Եղվարդի միջնակարգ դպրոցի մաթեմատիկայի ուսուցիչ[1]։ Անդամակցել է «Եղիցի լույս» գրական խմբին[2][3]։
1988 թվականին աշխատանքի է ընդունվել Գորիսի Վաղարշ Վաղարշյանի անվան դրամատիկական թատրոնում, որպես բեմադրական մասի վարիչ, ապա՝ 1996 թվականից որպես տեխնիկական ռեժիսոր։ 1997 թվականից միչև 2020 թվականը աշխատել է որպես բարձր կարգի դերասան, զուգահեռ Երևանի կինոյի և թատրոնի պետական ինստիտուտի Գորիսի մասնաճյուղում, որպես բեմական խոսքի դասախոս։ 2007 թվականին նկարահանվել է «Երևան» ստուդիայի նկարահանած Արցախյան ազատամարտի մասին պատմող «Մի վախեցիր» ֆիլմում, որը ներկայացվել է «Ոսկե ծիրան» միջազգային կինոփառատոնում և առաջադրվել է «Արտամրցութային ծրագրեր» անվանակարգում։ Նկարանահանվել է նաև Վահրամ Մխիթարյանի «Կաթնեղբայր», Հայկ Համբարձումյանի «Միրհավ» ֆիլմերում։
Մահացել է 2020 թվականի նոյեմբերի 30-ին[4]։
Ընտանիք[խմբագրել | խմբագրել կոդը]
Ամուսնացել է 1985 թվականին, կինը՝ Սվետլանա Շահնազարյանը, զավակները՝ Լուսինեն (1986), Հայկը (1988), Հակոբը (1991), Շուշանը (1995)։
Պարգևներ[խմբագրել | խմբագրել կոդը]
Հայ թատերարվեստի ասպարեզում ունեցած իր ավանդի համար Սեյրան Մկրտչյանն արժանացել է մի շարք պատվոգրերի և շնորհակալագրերի։ 2017 թվականին պարգևատրվել է ՀՀ Մշակույթի նախարարության Ոսկե մեդալով։
Դերեր[խմբագրել | խմբագրել կոդը]
| Տարի | Բեմականացում | Դեր |
|---|---|---|
| 1998 | Բակունցի վերջին օրը | Ակսել Բակունց |
| 1999 | «Կյորես» | Խաչ |
| 2003 | «Գնա մեռի, արի սիրեմ» | Տարոն |
| 2018 | «Գրինչի արկածները» | |
| 2019 | «Որբանոց» | |
| 2019 | «Ի Զեն» |
Ծանոթագրություններ[խմբագրել | խմբագրել կոդը]
- ↑ Սյունեցի տաղանդավոր դերասանը բռնեց անմահության ճամփան
- ↑ «Կյանքից հեռացել է Գորիսի դրամատիկական թատրոնի դերասան Սեյրան Մկրտչյանը». New Armenia. 2020 թ․ դեկտեմբերի 1. Վերցված է 2020 թ․ դեկտեմբերի 8-ին.
- ↑ «Կյանքից հեռացել է Գորիսի դրամատիկական թատրոնի դերասան Սեյրան Մկրտչյանը». armenpress.am. Վերցված է 2020 թ․ դեկտեմբերի 8-ին.
- ↑ TV, Azat (2020 թ․ դեկտեմբերի 1). «Մահացել է դերասան Սեյրան Մկրտչյանը». Azat TV (ամերիկյան անգլերեն). Վերցված է 2020 թ․ դեկտեմբերի 8-ին.