Սառցահատ կառույցներ

Սառցահատ կառույցը կամրջի դիմաց (Տչև, Լեհաստան)

Սառցահատ կառույց, կամուրջների և պատվարների հենարանների վրա տեղադրված առանձին կոնստրուկցիա կամ սարք, որը սառցահոսի ժամանակ կառույցը պաշտպանում է սառույցի հնարավոր հարվածներից առաջացող վնասվածքներից և կանխում սառցակուտակների գոյացումը։ Սառցահամ կառույցի հիմնական տարրը գետի հոսանքին հակառակ ուղղված թեք կամ ուղղաձիգ նիստն է։

Հենարաններից անջատ սառցահատ կառույցներ կառուցվում են ցցաշեն կամուրջների առջևում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 191)։