Սառածներ (ֆիլմ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Սառածներ
անգլ.՝ Frozen
Frozen.jpg
ԵրկիրFlag of the United States.svg ԱՄՆ
Ժանրսարսափ ֆիլմ, թրիլեր և դրամա
Թվական2010
Լեզուանգլերեն
ՌեժիսորAdam Green?[1]
Սցենարի հեղինակAdam Green?
ԴերակատարներՇոն Էշմոր[2][3][4], Քևին Զեգերս[2][3][4], Էմմա Բել[2][3][4] և Kane Hodder?[3][4]
ՕպերատորWill Barratt?
ՄոնտաժEd Marx?
Նկարահանման վայրՅուտա
Տևողություն93 րոպե
Պաշտոնական կայքէջ

«Սառածները» (անգլ.՝ Frozen), 2010 թվականին նկարահանված սարսափ ֆիլմ։ Ռեժիսորը Ադամ Գրինին է։ Գլխավոր դերերում են՝ Էմմա Բելը, Կեվին Զեգերսը և Շոն Էշմորը։

Սյուժե[խմբագրել | խմբագրել կոդը]

Մի խումբ երիտասարդներ որոշում են իրենց արձակուրդը անցկացնել լեռնադահուկային հանգստավայրում։ Աղջիկը, ում անունը Պարկեր է, սովորում է սնոուբորդ քշել, ինչում նրան օգնում են սիրելի Դենը և ընկեր Ջոն։ Ընկերները չեն ցանկանում վճարել 3 ճոպանուղու համար տոմսերը և Դենը խնդրում է Պարկերին կաշառել աշխատակցին, որ նա թողնի նրանց բարձրանալ ճոպանուղի։ Պարկերին հաջողվում է համոզել աշխատակցին։ Դեպի վեր բարձրանալու ճանապարհին ճոպանուղին մի պահ կանգ է առնում, սակայն կրկին շարունակում է ընթացքը։

Մեկնելուց առաջ երիտասարդները որոշում են վերջին անգամ նստել ճոպանուղի։ Արդեն մթնում է և հանգստավայրը փակվում է, որովհետև մոտենում է ցիկլոնը։ Ընկները կրկին համոզում են աշխատակցին նրանց թողնել ճոպանուղի։ Եվ երբ ընկերները բարձրանում են վեր աշխատակցին կանչում են տնօրենի մոտ և նրան փոխարինում է գործընկերը։ Աշխատակիցը գործընկերոջը ասում է, որ ճոպանուղու վրա միայն 3 հոգի են և նրանց վերադարձի դեպքում կարող է ճոպանուղին անջատել։ Երիտասարդների փոխարեն գալիս են մեկ այլ երեք հոգանոց խումբ։ Աշխատակիցը որոշում է, որ դրանք հենց այն մարդիկ են և անջատեց ճոպանուղին։

Երիտասարդները մնում են մենակ գետնից բավականին բարձր ճոպանուղու նստարանի վրա։ Նրանց սկսում են մրսել։ Անցնում է մի քանի ժամ և նրանք որոշում են, որ նրանց մասին ուղղակի մոռացել են։ Հանգստավայրը աշխատում է միայն ուրբաթ, շաբաթ և կիրակի, իսկ այդ օրը երկուշաբթի էր, ուստի ընկերները պետք է սպասեին մինչ հաջորդ ուրբաթ օրվան։ Դենը, որն ամենակոփվածն էր նրանցից, հասկանում է, որ այլընտրանք չունեն, բացի թռնելուց ներքև և օգնություն խնդրելուց։ Նա ցատկում է ներքև և անհաջող վայրէջք է կատարում, ջարդելով իր երկու ոտքերը։ Եվ մինչ նա կորոշեր հաջորդ իր քայլը, արյան հոտի վրա հավաքվում են գայլերը և Դենը մահանում է։

Հաջորդ առավոտ Պարկերն ու Ջոն արթնանում են և տեսնում, որ նրանց մաշկը ցրտահարվել է։ Մի քանի րոպե անց Ջոն որոշում է ճոպանուղու պարանի միջոցով անցնել մյուս նստարանին, որտեղ կան աստիճաններ և նա կարող է իջնել։ Սակայն մի քանի գայլ արդեն սպասում էին նրան։ Նա վերցնում է սնոուբորդը և արագ հեռանում, սակայն գայլերը հասնում են նրա ետևից։

Պարկերը մնում է մենակ և գրեթե ամբողջությամբ ցրտահարվում է։ Նա հասկանում է, որ պետք է ինքնուրույն իջնել։ Իր նստարանը ընկնում է ցած և աղջիկը գլորվում է գետնին, իսկ նստարան էլ ընկնում է նրա ոտքին։ Բարեբախտաբար ոտքը լրջորեն չէր վնասվել և աղջիկը սողեսող առաջ է շարժվում։ Նա դժվարությամբ հասնում է գլխավոր փողոց, որտեղ նրան օգնում է մի վարորդ։ Սակայն աղջկա ուժերը սպառված են լինում և հիվանդանոց գնալու ճանապարհին նա մահանում է։

Պրեմիերա[խմբագրել | խմբագրել կոդը]

ԱՄՆ-ում՝ փետրվարի 5, 2010 թվական։ Ռուսաստանում՝ մարտի 11, 2010 թվական։

Դերերում[խմբագրել | խմբագրել կոդը]

  • Էմմա Բելլ - Պարկեր Օՙ Նիլ
  • Կեվին Զեգերս - Դեն Ուոկեր
  • Շոն Էշմոր - Ջո Լինչ
  • Ռայլի Վանդերբիլտ - Շեննոն
  • Էդ Ակերման - Ջեյսոն
  • Ադամ Ջոնսոն - Րիկֆին
  • Կրիս Յորկ - Ռայան
  • Պեդեր Մելխյուս - Վարորդ
  • Կեյն Հոդդեր - Կոդի
  • Ջոն Օմոխունդրո - Ջեյմս

Հետաքրքիր փաստեր[խմբագրել | խմբագրել կոդը]

Ֆիլմը ստեղծվել է 2009 թվականին Սնոբեյսինում։

Հանգստավայրից անմիջական հարևանությամբ գտնվում են Ժայռոտ լեռները, որոնց ետևում գտնվում է մեծ «Yellowstone National Park»-ը, որտեղ իրոք կան բազմատեսակ գայլեր։ Ունենալով ուժեղ թաթեր և ամուր թոքեր Մակենզիի հովտային գայլը ընդունակ է հեշտորեն հաղփահարել ժայռերը իր որսը գտնելու համար։ 2006 թվականին Ժայռոտ լեռներում Մակենզիի հովտային գայլերի թվակաքանակը հասել է 1300 տեսակի[5]։

Մրցանակներ[խմբագրել | խմբագրել կոդը]

2010 - Սատուրն մրցանակի նոմենացիա «Լավագույն սարսափ ֆիլմ» անվանակարգում։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]