Սանտա Անա տաճար

Սանտա Անա տաճար; իսպ․ Santa Iglesia Catedral Basílica de Canarias
	Տաճարի հիմնական ճակատամասը
Հիմնական տվյալներ
Տեսակ	տաճար, հուշարձան և փոքր բազիլիկ
Երկիր	Իսպանիա
Տեղագրություն	Լաս Պալմաս
Դավանանք	կաթոլիկություն
Թեմ	Կանարյան կղզիների արքեպիսկոպոսարան
Հոգևոր կարգավիճակ	Գործող
Ժառանգության կարգավիճակ	Իսպանիայի մշակութային ժառանգության օբյեկտ
Նվիրված	Աննա
Անվանված	Աննա
Ճարտարապետական ոճ	Գոթիկա, նեոդասականություն
Կառուցման սկիզբ	1497
Կառուցման ավարտ	Մեր օրեր
	Cathedral of Santa Ana Վիքիպահեստում

Սանտա-Անա տաճար^[2] (իսպ․ Santa Iglesia Catedral Basílica de Canarias), տաճարային համալիր Լաս Պալմաս դե Գրան Կանարիայում։ Նվիրված է Սուրբ Աննային՝ քաղաքի հովանավորին։ Հանդիսանում է Սևիլյան արքեպիսկոպոսարանի Կանարյան կղզիների բաժին^[3]։

Սանտա Անա տաճարը տեղակայված է Վեգետա քաղաքի պատմական հատվածում՝ Սուրբ Աննայի հրապարակում։ 1487 թվականին կաթոլիկ թագավորների կողմից հայտարարված Գրան Կանարիա կղզու վրա տաճարի շինությունը սկսվել է միայն 1497 թվականին։ 1557 թվականին ֆինանսական դժվարությունների պատճառով շինարարությունը դադարեցվեց։ Միայն 1781 թվականից շինարարությունը վերսկսվեց և շաունակվում է մինչ օրս։ Այդ պատճառով է որ տաճարը առանձնանում է ճարտարապետական երկու ոճով․ ինտերիերում գերակշռում է ուշ գոթիկան, իսկ տաճարի արտաքին տեսքը նեոկլասիցիզմի օրինակ է^[4]։ Որոշ դետալներ արված են բարոկկո ոճով։

Տաճարի մի մասը և կամարները պատրաստված են Սան-Լորենցոյի քարհանքերից բերված կապույտ քարից։ Շինարարության ընթացքում օգտագործվել են նաև հրաբխային քար, ծակոտկեն նյութ։

Եռահարկ տաճարում տեղակայված է 13 մատուռ։

Լաս Պալմասի տաճարը միակն էր Կանարյան կղզներում մինչև 1819 թ․^[5] , երբ այն հիմնադրեց Սան Կրիստոբալ դե Լա Լագունայի Հռոմի կաթոլիկ թեմը, որի իրավասության տակ են գտնվում Սանտա Կրուզ դե Տեներիֆի կղզիները^[5]։

1894 թ. Հռոմի Պապ Լեո XIII- ը տաճարին տվել է փոքր բազիլիկի կարգավիճակ^[6]։ 1974 թ. Մայիսի 24-ին տաճարը ճանաչվեց որպես պատմական հուշարձան^[7]։

Ներկայումս տաճարը կղզեխմբի ամենամեծ կրոնական կառույցն է։ Դրա ներսում ստեղծվել է թեմական թանգարան։