Սալոնիկի նավահանգիստ (հունարեն՝ Λιμάνι της Θεσσαλονίκης), Հունաստանի և Եգեյան ծովի խոշորագույն նավահանգիստներից մեկը, որը տարեկան կատարում է շուրջ 16 միլիոն տոննա ծավալով ծովային բեռնափոխադրումներ։ Որպես ազատ տնտեսական գոտի՝ Սալոնիկի նավահանգիստը հանդիսանում է միջանցիկ գոտի Բալկանների և Հարավային Եվրոպայի միջև։
Սալոնիկի նավահանգիստը երկրորդ խոշորագույն ծովային նավամատույցն է Հունաստանում[1]։ Այսպիսով՝ Հունաստանի խոշորագույն նավահանգիստը շարունակում է մնալ Աթենքին հարակից Պիրեյոսի նավահանգիստը։
2007 թվականին Սալոնիկի նավահանգսի կատարած բեռնափոխադրումների ընդհանուր ծավալը կազմում է 14,373,245 տոննա[2]։ Այս ցուցանիշը Սալոնիկի նավահանգիստը դարձնում է երկրորդ խոշորագույն ծովային նավահանգիստն ամբողջ Հունաստանում։