Ռուբեն Սանոյան (դրամատուրգ)
Անվան այլ կիրառումների համար տե՛ս՝ Ռուբեն Սանոյան (այլ կիրառումներ)- Վիքիպեդիայում կան հոդվածներ Սանոյան ազգանունով այլ մարդկանց մասին։
Ռուբեն Սանոյան | |
|---|---|
| Ծնվել է | հունվարի 27, 1933 |
| Ծննդավայր | Լենինական, Հայկական ԽՍՀ, ԱԽՖՍՀ, ԽՍՀՄ |
| Վախճանվել է | մայիսի 13, 2015 (82 տարեկան) |
| Վախճանի վայր | Երևան, Հայաստան |
| Մասնագիտություն | դրամատուրգ և գրականագետ |
| Քաղաքացիություն | .svg){kind=small} Հայկական ԽՍՀ |
| Կրթություն | Սանկտ Պետերբուրգի համալսարան (1958) |
| Անդամակցություն | ՀԳՄ |
| Աշխատավայր | ՀՀ ԳԱԱ գրականության ինստիտուտ, ՀՀ ԳԱԱ փիլիսոփայության, սոցիոլոգիայի և իրավունքի ինստիտուտ, Երևանի պետական գեղարվեստա-թատերական ինստիտուտ և Հայաստանի թատերական գործիչների միություն |
Ռուբեն Մամիկոնի Սանոյան (հունվարի 27, 1933, Լենինական, Հայկական ԽՍՀ, ԱԽՖՍՀ, ԽՍՀՄ - մայիսի 13, 2015, Երևան, Հայաստան[1]), հայ դրամատուրգ, գրաքննադատ։ Հայաստանի գրողների միության անդամ (1970)։
Կենսագրություն[խմբագրել | խմբագրել կոդը]
Ռուբեն Սանոյանը ծնվել է Լենինականում։ 1958 թվականին ավարտել է Լենինգրադի պետական համալսարանի փիլիսոփայության ֆակուլտետը։ 1958-1964 թվականներին աշխատել է ՀՀ ԳԱ Մանուկ Աբեղյանի անվան գրականության ինստիտուտում, 1964-1970 թվականներին՝ ՀՀ ԳԱ փիլիսոփայության սեկտորում։ 1970 թվականից արևմտյան թատրոնի պատմություն է դասավանդել Երևանի գեղարվեստա-թատերական ինստիտուտում։ 1981-1993 թվականներին վարել է Հայաստանի թատերական գործիչների միության դրամատուրգիայի բաժինը։ Հանրապետական և ռուսական մամուլում տպագրվել են նրա գիտական-քննադատական հոդվածները, ակնարկները, վավերական սցենարները, հումորեսկները։ Նրա հայերեն և ռուսերեն պիեսները տպագրվել են գրական հանդեսներում («Նորք», «Литературная Армения»), բեմադրվել հանրապետության թատրոններում, ռադիոթատրոնում և հեռուստատեսությամբ[2][3]։
Աշխատություններ[խմբագրել | խմբագրել կոդը]
- «Հայրիկները, մայրիկները, բալիկները», 1965
- «Բարդիները լուռ» պիեսների ժողովածու, 1986
- «Ընթրիք նեղ շրջանակում», 1985
- «Մեծ բիթլիսցու առեղծվածը», 1998, 2004
- «Դրամատուրգ, ռեժիսոր, քննադատ» ռուսերեն հոդվածների ժողովածու, 1987
Պարգևներ[խմբագրել | խմբագրել կոդը]
- «Ախ, մայրիկ, մայրիկ» (1964 ) և «Վայրենին» պիեսներն արժանացել են ՀԳՄ և Մշակույթի նախարարության մրցանակի
- ՀԳՄ Լևոն Շանթի անվան մրցանակ, 2005
Ծանոթագրություններ[խմբագրել | խմբագրել կոդը]
- ↑ Միշտ ներկա մեր շարքերում
- ↑ «Ռուբեն Սանոյանի մասին zarkfoundation.com կայքում».
- ↑ «Ռուբեն Սանոյան». Արխիվացված է օրիգինալից 2019 թ․ փետրվարի 19-ին. Վերցված է 2016 թ․ հունվարի 26-ին.
|
