Ռոման Կարա-Պողոսյան

Ռոման Կարա-Պողոսյան
մարտի 25, 1947(1947-03-25) - սեպտեմբերի 16, 2009(2009-09-16) (62 տարեկան)
Ծննդավայր	Երևան, Հայկական ԽՍՀ, ԽՍՀՄ
Մահվան վայր	Երևան, Հայաստան
Քաղաքացիություն	ԽՍՀՄ և  Հայաստան
Ծառայության տարիներ	1988-2005
Կոչում	ոստիկանության գեներալ-մայոր
Պաշտոն	ՀՀ ներքին գործերի փոխնախարար (1992-1994)
Կրթություն	Հայաստանի ազգային պոլիտեխնիկական համալսարան (1969) և ԵՊՀ իրավաբանական ֆակուլտետ (1986)
Պարգևներ

Ռոման Հակոբի Կարա-Պողոսյան (մարտի 25, 1947(1947-03-25), Երևան, Հայկական ԽՍՀ, ԽՍՀՄ - սեպտեմբերի 16, 2009(2009-09-16), Երևան, Հայաստան), հայ պետական, ռազմական գործիչ, ներքին ծառայության գեներալ-մայոր (1993)։

Կենսագրություն

Ռոման Կարա-Պողոսյանին նվիրված հուշատախտակ Երևանում

1969 թվականին ավարտել է Երևանի պոլիտեխնիկական ինստիտուտը, 1986 թվականին՝ Երևանի պետական համալսարանի իրավաբանական ֆակուլտետը, 1989 թվականին՝ ԽՍՀՄ ներքին գործերի նախարարության ակադեմիայի առաջին ֆակուլտետը։

Երևանի պոլիտեխնիկական ինստիտուտն ավարտելուց հետո աշխատանքի է անցել ներքին գործերի կառույցներում։ 1988 թվականին Ռոման Կարա-Պողոսյանին է լիազորվել գլխավորելու ՀԽՍՀ սոցիալիստական սեփականության հափշտակման դեմ պայքարի վարչությունը, այնուհետև ղեկավարել է քրեական հետախուզման վարչությունը։ 1992-1994 թվականներին զբաղեցրել է ՀՀ ներքին գործերի փոխնախարարի պաշտոնը՝ միաժամանակ գլխավորելով Երևան քաղաքի ներքին գործերի բաժինը։ ՀՀ անկախացումից հետո Ռոման Կարա-Պողոսյանն առաջինն է, ում շնորհվել է ներքին ծառայության գեներալ-մայորի կոչում։

1991-1994 թվականներին եղել է Հայաստանի բռնցքամարտի ֆեդերացիայի նախագահը։ Թոշակի է անցել 2005 թվականից։

Մրցանակներ

• «Պատվո նշան» շքանշան
• Երկակի պարգևատրվել է անվանական զենքով ՀՀ և ՌԴ կողմից
• «ԽՍՀՄ ՆԳՆ վաստակավոր աշխատակից»
• «ՌԴ ՆԳՆ պատվավոր ծառայող»
• «ՀՀ ոստիկանության վաստակավոր ծառայող»