Ռինդի վիմափոր եկեղեցի
Ռինդի վիմափոր եկեղեցի | |
---|---|
Հիմնական տվյալներ | |
Տեսակ | վիմափոր |
Երկիր | Հայաստան |
Տեղագրություն | Ռինդ[1] |
Հիմնական ամսաթվերը | անհայտ |
Մասն է | Գյուղատեղի «Բախչաջուղ» |
Ժառանգության կարգավիճակ | մշակութային հուշարձան Հայաստանում[1] |
Հիմնադրված | անհայտ |
Cave church Rind Վիքիպահեստում |
Ռինդի վիմափոր եկեղեցի, վիմափոր կրոնական կառույց Վայոց ձորի մարզի Ռինդ գյուղում, բնակավայրից 4 կմ հյուսիս։ Եկեղեցին ենթադրաբար կառուցվել է 13-14-րդ դարերում[2]։
Նկարագրություն[խմբագրել | խմբագրել կոդը]
Ռինդ գյուղում կան երկու վիմափոր եկեղեցիներ։ Մեկը գտնվում է Ռինդի Ուլգյուրում և հայտնի է «Ճգնավորի մատուռ» անունով։ Այս մեկն անհայտ է գիտական շրջանակների համար։
Եկեղեցին ժայռափոր է, գտնվում է դժվարամատչելի բարձունքի վրա։ Հավանական է, որ առաստաղը պատված է եղել որմնանկարներով։ Կառույցի հատակագիծը կլոր է, որի տրամագիծը մոտ 8 մետր է, բարձրությունը՝ 10 մետր։ Եկեղեցու դուռը արևմտյան կողմից է, որից վերև եղել է մեկ փոքր և երկու մեծ լուսամուտներ։ Խորանի ու նրան հարող պատերի ստորին մասը քայքայված է, բայց քիվ-երիզից ներքև երևում են ժայռի մեջ փորված պահոց-խորշերի վերին մասերը[2]։
Հարակից կառույցներ[խմբագրել | խմբագրել կոդը]
Ժայռազանգվածի հարավային հատվածում կան մի քանի փորված սրահներ, որոնց ճանապարհները քայքայված են և հնարավոր չէ հասնել այնտեղ առանց տեխնիկական միջոցների։ Սրահների պատերին կան քանդակված խաչեր։
Եկեղեցուց մի քանի տասնյակ մետր արևելք կան խաչքարեր և խաչքարերի պատվանդաններ։