Ռիդբերգ-Ռիտցի կոմբինացիոն սկզբունք

Վիքիպեդիայից՝ ազատ հանրագիտարանից

Ռիդբերգ-Ռիտցի կոմբինացիոն սկզբունք, սպեկտրասկոպիայի հիմնական օրենքը։ 1908թ. փորձնականորեն սահմանել է շվեյցարացի ֆիզիկոս Վալտեր Ռիտցը։ Ըստ այս սկզբունքի՝ ցանկացած տարրի սպեկտրալ գծերի համախումբը կարելի է ներկայացնել որպես որոշակի մեծությունների կոմբինացիա։ Այդ մեծությունները կոչվում են սպեկտրալ թերմեր։ Յուրաքանչյուր սպեկտրալ գծի սպեկտրասկոպական ալիքային թիվը կարելի է արտահայտել երկու սպեկտրալ թերմերի տարբերության միջոցով՝

\overline{\nu} = \frac{1}{\lambda} = T_{n_1} - T_{n_2}

Ատոմը, կլանելով ֆոտոն, կարող է հայտնվել ավելի բարձր էներգիական մակարդակում, կամ, ընդհակառակը, սպոնտան կերպով ճառագայթել ֆոտոն և իջնել ավելի ցածր էներգիական մակարդակ։ Համաձայն քվանտային մեխանիկայի, այս անցումները կարող են տեղի ունենալ միայն որոշակի էներգիական միջակայքերում։ Այս երևույթի բացատրությունը տալիս է Ռիդբերգ-Ռիտցի կոմբինացիոնսկզբունքը։