Ռենատ Իզբուլատովը Մախաչկալայի ակումբի սան է։ Պրոֆեսիոնալ կարիերան սկսել է երկրորդ լիգայում՝ Կասպիյսկի «Կասպիյ» ակումբում, որը երեք տարվա ընթացքում երկու անգամ վերանվանվել է։ 1996-1998 թվականներին հանդես է եկել առաջին դիվիզոնում Մախաչկալայի «Անժի» ակումբի կազմում։ 1998 թվականի մրցաշրջանի ավարտին խաղացել է Աստրախանի «Վոլգար-Գազպրոմ» ակումբում։ Հետո խաղացել է Մախաչկալայի «Դինամո», Տվերի «Վոլգա» և «Պսկով-2000» ակումբներում։ 2002 թվականին Բելառուսիայի առաջնությունում անցկացրել է 6 խաղ Մինսկի «Դինամո» ակումբի կազմում[1]։ 2003 թվականին կարող էր վերադառնալ Պսկով, սակայն շարունակել է կարիերան «Վիդնոե» ակումբում[2]։ 2004 թվականին խաղացել է «Դագդիզել» սիրողական ակումբում։ 2005-2008 թվականներին խաղացել է երկրորդ դիվիզիոնի մի շարք ակումբներում, որոնցից են Ուֆայի «Նեֆտյանիկ», Մայկոպի «Դրուժբա», Վիշնի Վոլոչեկի «Վոլչանին-Ռատմիր» և Օրեխովո-Զուևոյի «Զնամյա Տրուդա» թիմերը։ 2009 թվականին խաղացել Մագարամկենտի «Լեկի» ակումբում, որը հանդես էր գալիս սիրողական մակարդակում։
2009 թվականից մարզել է ՕՌՄՊՄԴ-2-ի երեխաներին, 2010 թվականի հունվարին միաժականակ դպրոցի սաների հետ միասին զբաղեցրել է երկրորդ տեղը Բելառուսում անցկացված մրցաշարում[3]։ «Անժի» ակադեմիայի բացման պահից սկսել է աշխատել որպես մարզիչ[4]։ 2017 թվականին եղել է «Անժի-2» ակումբի ավագ մարզիչ[5]։ 2018 թվականի հունվարի 13-ին Մախաչկալայի «Լեգիոն-Դինամո» ակումբը պաշտոնապես հայտարարել է, որ Ռենատ Իզբուլատովը նշանակվել է գլխավոր մարզչի պաշտոնակատար[6]։
Ռուսաստան
