Ռազմական տեխնիկայի թանգարան (Վերխնայա Պիշմա)

Ռազմական տեխնիկայի թանգարան
Տեսակ	թանգարան և թանգարանի շենք
Երկիր	Ռուսաստան
Տեղագրություն	Borough Upper Pyshma?
Վայր	Վերխնայա Պիշմա
Հասցե	Uspensky Avenue?
Հիմնադրվել է	2006
Այցելուներ	255 000 մարդ (2018)
Տնօրեն	Q24010723?
Կայք	museum.elem.ru

Ուրալի լեռնա-մետալուրգիական ընկերության ռազմական տեխնիկայի թանգարան (ռուս.՝ Музей военной техники УГМК), Ռուսաստանի ամենամեծ մասնավոր թանգարաններից մեկը։ Ստեղծվել է «Ուրալի լեռնա-մետալուրգիական ընկերություն-Հոլդինգ» ՍՊԸ-ի ղեկավարության նախաձեռնությամբ։ Թանգարանը գտնվում է Սվերդլովսկի մարզի Վերխնայա Պիշմա քաղաքում։ 2017 թվականի դրությամբ թանգարանի ընդհանուր մակերեսը կազմում է 65650 քառակուսի մետր։

Ստեղծման պատմություն

2005 թվականի մայիսի 9-ին «Ուրալէլեկտրոմեդ» Բաժնետիրական ընկերության անցակետի մոտ բացվեց ռազմական տեխնիկայի ցուցադրություն^[2]։ Ուրալի լեռնա-մետալուրգիական ընկերության ռազմական տեխնիկայի թանգարանի հիմնադրման պաշտոնական ամսաթիվը 2010 թվականի մայիսի 9-ն է, երբ բացվեց թանգարանի ցուցահանդեսային հրապարակը, որտեղ ներկայումս ներկայացված են հրետանային, զրահատանկային տեխնիկայի ինքնագնաց կայանքներ, ինքնաթիռներ և այլ հավաքածուներ ։

2013 թվականի մայիսի 9-ին բացվեց ռազմական տեխնիկայի թանգարանի Ցուցահանդեսային կենտրոնի շենքը։ Կենտրոնում տեղակայված է պարբերաբար համալրվող ռազմական տեխնիկայի հավաքածուն (1-ին և 2-րդ հարկերում), ինչպես նաև Ուրալյան տարածաշրջանի ռազմական պատմությանը նվիրված ցուցահանդես (3-րդ հարկ)։

2015 թվականի մայիսի 9-ին կենտրոնի հրապարակում բացվեց Հայրենական մեծ պատերազմի ժամանակ խորհրդային երկաթուղայինների սխրանքներին նվիրված ցուցահանդես։

2016 թվականի մայիսի 9-ին բացվեց խորհրդային Ռազմա-ծովային նավատորմին նվիրված ցուցահանդես։ Այնտեղ ներկայացված են «Մալյուտկա» սուզանավի, 161 և 194 ռազմանավակների, ինչպես նաև վերականգնված 1125 գետային ռազմանավակի լայնամասշտաբ մանրակերտը, որն օգտագործվել է Ստալինգրադի ճակատամարտի ժամանակ։

Թանգարանի ցուցադրություն

ՈւԼՄԸ ռազմական տեխնիկայի թանգարանի այցելություններ^[3].
2011	2012	2013	2014	2015	2016	2017
68 000	92 000	140 000	150 000	181 000	204 000	214 000

Թանգարանային համալիրի կազմի մեջ են մտնում բաց հրապարակը և ցուցահանդեսային կենտրոնը։ Բաց հրապարակում առանձին գոտի է հատկացված երկաթուղային տրանսպորտին։ Ցուցահանդեսային կենտրոնի կազմում գործում է ինտերակտիվ հարթակ (ինտերակտիվ թատրոն, էլեկտրոնային հրաձգարան, խաղային սիմուլյատորներ)։ Թանգարանում գործում է երեք խմբակ «Մասշտաբային մոդելավորում», «Սպառազինության պատմություն» և «Գավառագիտություն»։

Թանգարանի հավաքածուում հաշվառված են ռազմական տեխնիկայի ավելի քան 350 նմուշներ։