Ռադու Ալբոտ

Ռադու Ալբոտ;
Ծնվել է	նոյեմբերի 11, 1989 (35 տարեկան)
Ծննդավայր	Քիշնև, Մոլդովական ԽՍՀ, ԽՍՀՄ
Քաղաքացիություն	Մոլդովա
Մասնագիտություն	թենիսիստ
	Radu Albot Վիքիպահեստում

Ռադու Վլադիմիրի Ալբոտ (ռումիներեն՝ Radu Albot, նոյեմբերի 11, 1989(1989-11-11), Քիշնև, Մոլդովական ԽՍՀ, ԽՍՀՄ), մոլդովացի պրոֆեսիոնալ թենիսիստ^[1], Պրոֆեսիոնալ թենիսիստների ասոցիացիայի (ATP) երկու մրցաշարի հաղթող (նրանցից մեկը՝ միայնակ կարգով)։

Կենսագրություն և կարիերա

Ռադու Ալբոտը ծնվել է 1989 թվականի նոյեմբերի 11-ին Քիշնևում, Մոլդովական ԽՍՀ-ում, այժմ Մոլդովայի Հանրապետություն։

Ռադուին թենիսային սպորտ է բերել հայրը՝ Վլադիմիրը, որը սկզբում մարզում էր իր որդուն^[2]։ 16 տարեկանում նա զբաղեցրել է Եվրոպայի երիտասարդների լավագույն թենիսիստների երկրորդ տեղը, շուտով հասնելով երիտասարդների աշխարհի վարկանիշում տասնմեկերորդ հորիզոնականը։ 2006 թվականին նա դարձավ պրոֆեսիոնալ թենիսիստ։

Նա նվաճել է ATP Challenger (Պրոֆեսիոնալ թենիսիստների ասոցիացիա) շրջագայության երկու միայնակ և մեկ զույգով տիտղոս, ITF Futures-ի տասնչորս միայնակ և յոթ զույգով տիտղոս, ինչպես նաև ATP World Tour-ի մեկ զույգով տիտղոս։ 2007 թվականից նա եղել է Մոլդովայի Հանրապետության թիմի մշտական անդամ Դևիսի գավաթներում։

2015 թվականի օգոստոսի 3-ին ATP-ի վարկանիշում հասնելով 99-րդ հորիզոնականը, Ռադու Ալբոտը դարձավ առաջին մոլդովացի թենիսիստը TOP-100-ում։

Ռադի Ալբոտը իր կարիերայի հետ միաժամանակ հանդիսանում է Մոլդովայի քաղաքացիական պաշտպանության և արտակարգ իրավիճակների ծառայության աշխատակից, ունենալով լեյտենանտի կոչում^[2]։

2018 թվականի հոկտեմբերին նա հաղթել է Լյուչժոուում (Չինաստան) չելենջեր շարքի մրցաշարում, եզրափակիչում հաղթելով սերբ թենիսիստ Միոմիր Քեչմանովիչին համառ 3 սեթանոց մրցամարտում։

2019 թվականի փետրվարին Դելրեյ-Բիչ մրցաշարում Ռադուն հաղթել է ATP մրցաշարի առաջին տիտղոսը միայնակ կարգավիճակով։ Եզրափակիչում հաղթել է բրիտանացի թենիսիստ Դենիել Էվանսին։

Վարկանիշ տարվա վերջին

Թվական	Միայնակ վարկանիշ	Զույգերով վարկանիշ
2018	98	66
2017	87	211
2016	97	648
2015	121	75
2014	168	125
2013	169	186
2012	225	239
2011	281	265
2010	503	482
2009	726	536
2008	880	688
2007	1 038	1 386
2006		1 447

Ծանոթագրություններ

Արտաքին հղումներ

[1]
[2] Արխիվացված 2018-02-06 Wayback Machine
[3]

Վիքիպահեստն ունի նյութեր, որոնք վերաբերում են «Ռադու Ալբոտ» հոդվածին։

[1] Раду Албот

[olimpiamd-2] 2,0 ^2,1 Молдавский теннис — Раду Албот

[1]

[2]