Ջոն Քրոու լեռներ

Վիքիպեդիայից՝ ազատ հանրագիտարանից
Ջոն Քրոու լեռներ
Տեսակլեռնաշղթա
Երկիր Ճամայկա
Բարձրություն (ԲԾՄ)1100 մետր

Ջոն Քրոու լեռներ (անգլ.՝ John Crow Mountains), լեռներ, որոնք գտնվում են Ճամայկայի արևելյան ծայրամասում։ Լեռները ձգվում են կղզու հյուսիսարևելյան ափերով, սահմանափակվում են Ռիո Գրանդե գետի ափերով և միանում են հարավ-արևելքում գտնվող Բուլ-Մաունթինս լեռներին` արևելյան ծայրով[1]։ Լեռնաշղթայի ամենաբարձր կետը 1140 մետր է[1]։

Պատմություն[խմբագրել | խմբագրել կոդը]

Ջոն Քրոու անվանումն առաջին անգամ հիշատակվել է 1820-ական թվականներին[2] և գալիս է ճամայական Cathartes aura անգղ-հնդկահավի անվանումից։ Ենթադրվում է, որ մինչև այս լեռնաշղթան հայտնի էր որպես «Սև ագռավի լեռնաշղթա»` ի պատիվ այդ անգղի ավելի հին անվան[3]։ 1885 թվականին տեղի ոստիկանության տեսուչ Հերբերտ Թոմասն առաջին անգամ փորձել է հասնել լեռանշղթայի ամենաբարձր կետին, իսկ 1890 թվականին վերջապես հաջողության է հասել և զեկույց է հրապարակել իր «Անհայտ Ճամայկա» գրքում[4]։ Նա խնդրել է այդ ժամանակվա նահանգապետ սըր Հենրի Արթուր Բլեյքին Բլեյկ-Մաունթինս լեռան անվանափոխության համար, բայց իր գրքում խոստովանել է, որ փոփոխությունը հանդիպել է ընդդիմության։ Նոր անուն չի տրվել, և մնացել է Ջոն Քրոու լեռներ անվանումը[2]։

1920 թվականին հետազոտող Սկորսբի Ռուտլեջը պնդում էր, որ ինքն առաջին մարդն է եղել, որ անցել է Ջոն Քրոու լեռները, ինչը նամակագրության է հանգեցրել «Թայմսի» հետ` տեսուչ Թոմասի նախորդ պահանջների վերաբերյալ։ Այս հարցը կարգավորվել է Ճամայկայի գլխավոր տեղագրագետի կողմից, որը որոշել է, որ չնայած Թոմասը առաջինն էր, որ բարձրացել էր ամենաբարձր գագաթը և հետազոտել հյուսիս-հարավ ուղղությունը, Ռուտլեջն անցել է լեռնահովիտը և առաջ է անցել. այս կերպ նա առաջինն էր, որ «փաստացի անցել էր արևմուտքից արևելք»[5]։

Ֆաունա[խմբագրել | խմբագրել կոդը]

Ջոն Քրոու լեռներն հանդիսանում են անհետացման վտանգի տակ գտնվող Ամերիկայի ամենամեծ թիթեռի` Հոմեր առագաստաթիթեռի, բնակության վայրը։ Տեսակի առավել լավ ուսումնասիրված պոպուլյացիաներ հանդիպում են Ջոն Քրոու և Բլու-Մաունթինս լեռների սահմանում[6]։

Ծանոթագրություններ[խմբագրել | խմբագրել կոդը]

  1. 1,0 1,1 UK Directorate of Overseas Surveys 1:50,000 map of Jamaica sheet N, 1967.
  2. 2,0 2,1 Higman, B W; Hudson (2009). Jamaican Place Names. B J (1st ed.). Mona, Jamaica: University of the West Indies Press. էջեր 89–90. ISBN 978-976-640-217-4.
  3. «Eager for Ecclesdown Road» at www.10000birds.com. Accessed 29 July 2011.
  4. Thomas, Herbert T. (1890). Untrodden Jamaica (1st ed.). Kingston, Jamaica: Aston W. Gardner & Co. Վերցված է 2016 թ․ փետրվարի 7-ին.
  5. Baker, W. Anthony (1920 թ․ սեպտեմբերի 14). «The Times (London)». Letters to the Editor: The John Crow Mountains. No. 42515. Times Newspapers Ltd.
  6. Lehnert, Matthew S.; Kramer, Valerie R.; Rawlins, John E.; Verdecia, Vanessa; Daniels, Jaret C. (2017 թ․ հուլիսի 10). «Jamaica's Critically Endangered Butterfly: A Review of the Biology and Conservation Status of the Homerus Swallowtail (Papilio (Pterourus) homerus Fabricius)». Insects (անգլերեն). 8 (3): 68. doi:10.3390/insects8030068. PMC 5620688. PMID 28698508.{{cite journal}}: CS1 սպաս․ չպիտակված ազատ DOI (link)

Արտաքին հղումներ[խմբագրել | խմբագրել կոդը]