Ջերմաէլեկտրական սարք

Վիքիպեդիայից՝ ազատ հանրագիտարանից
Jump to navigation Jump to search

Ջերմաէլեկտրական սարք՝ չափիչ, ջերմաստիճանը, էլեկտրական հոսանքի ուժը, ավելի սակավ՝ լարումն ու հզորությունը չափող սարք։ Իրենից ներկայացնում է մագնիսաէլեկտրական չափիչ սարքի զուգակցում մեկ կամ մի քանի ջերմափոխակերպիչների հետ։

Կառուցվածք[խմբագրել | խմբագրել կոդը]

Ջերմափոխակերպիչը բաղկացած է մեկ (կամ մի քանի) ջերմազույգից և տաքացուցիչից, որով անցնում է չափվող հոսանքը։ Տաքացուցիչից անջատվող ջերմության ազդեցության տակ ջերմազույգերի ազատ ծայրերի միջև առաջանում է ջերմային էլշու, որը չափվում է մագնիսաէլեկտրական չափիչ սարքով։

Ջերմափոխտկերպիչների չափման սահմանները ընդլայնելու համար կիրառում են հոսանքի բարձրհաճախային չափիչ տրանսֆորմատորներ։ Ջերմաէլեկտրական սարք ապահովում է չափումների համեմատաբար բարձր ճշգրտություն հաճախականությունների լայն տիրույթում և ցուցմունքների անկախությունը՝ տաքացուցիչով անցնող հոսանքի կորի ձևից։

Թերություններ[խմբագրել | խմբագրել կոդը]

Ջերմաէլեկտրական սարքերի հիմնական թերություններն են՝ ցուցմունքների կախվածությունը շրջապատող միջավայրի ջերմաստիճանից, սեփական կարիքների համար էներգիայի զգալի ծախսը, մեծ գերբեռնվածքների (1,5 անգամից ոչ ավելի) անթույլատրելիությունը։

Կիրառում[խմբագրել | խմբագրել կոդը]

Կիրառվում է գլխավորապես փոփոխական հոսանքի ուժի գործող արժեքի (մի քանի մկա-ից մինչե մի քանի տասնյակ ա) չափման համար՝ մի քանի տասնյակ հց-ից մինչև մի քանի հարյուր Մհց հաճախականությունների տիրույթում, 1-5% սխալանքով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png